Dewteronomi 25:15 - An Bibel Kernewek 20234 (Kernewek Kemmyn)

¹⁵ Poes kowal hag ewn y fydh dhis, hag efa kowal hag ewn y fydh dhis, may fo dha dhydhyow hir war an tir a wra an Arloedh dha Dhuw y ri dhis.

Dewteronomi 25:15 ပူးပေါင်းရင်းမြစ်များ

Salmow 34:12

Py den eus neb yw hwansek dhe vewnans, hag a vynn dydhyow pals rag may hwello da?

Eksodus 20:12

Enor dha das ha'th vamm, may fo hir dha dhydhyow y'n tir usi an Arloedh dha Dhuw orth y ri dhis.

Ezekiel 45:10

Y fydh dhywgh mantolyow ewn, hag efa ewn ha bath ewn.

Levitikus 19:35

Ny wrewgh hwi kammhynseth y'n vreus, nag yn musuryow hys, nag yn poes, nag yn dalgh.

Amos 8:5

ow leverel, ‘P'eur fydh tremenys an loer nowydh, may hyllyn gwertha greun? ha'n sabot, may hyllyn igeri marghas an ys’ – ow lehe an efa, ow kressya an shekel, hag ow toella gans fals vantolyow,

Efesianys 6:3

‘may fo da genes ha may fewi termyn hir war an nor.’

Dewteronomi 11:9

rag may hirhahowgh agas dydhyow war an tir a dos an Arloedh dh'agas tasow y ri dhedha, ha dh'agas has, tir a dhinwa leth ha mel.

Dewteronomi 17:20

rag na vo y golonn ughelhes a-ugh y vreder, ha rag na dreyllyo a-denewen dhiworth an gorhemmynn dyghow na kledh, ha rag may hirhaho y dhydhyow war y ruvaneth, ev ha'y vebyon, yn mysk Ysrael.

Dewteronomi 25:14

Ny' fydh y'th chi diw eghenn a efa, onan bras hag onan byghan.

Dewteronomi 4:40

Ytho gwith y ordenansow ha'y worhemmynnow esov ow korhemmynna dhis hedhyw, may fo yn ta genes ha gans dha vebyon war dha lergh, mayth ystynni dha dhydhyow war an tir a wra an Arloedh dha Dhuw y ri dhis bys vykken.

Dewteronomi 5:16

Enor dha das ha dha vamm dell worhemmynnis an Arloedh dha Dhuw dhis, rag may fo dha dhydhyow hir, ha rag may fo yn ta dhis war an tir a wra an Arloedh dha Dhuw y ri dhis.

Dewteronomi 5:33

Kerdhewgh yn pub fordh a worhemmynnis an Arloedh agas Duw dhywgh, rag may fewowgh ha may fo yn ta dhywgh ha may fo agas dydhyow hir y'n tir a eritowgh.

Dewteronomi 6:18

Gwra an pyth yw ewn ha da a-wel dhe'n Arloedh, rag may fo yn ta dhis, ha may tyffi hag erita an tir da a dos an Arloedh dhe'th tasow,

1 Peder 3:10

‘Neb a vynn kara bewnans ha gweles dydhyow da, fronnes ev y daves a dhrog ha'y dhiwweus a gewsel toell.