Dewteronomi 25:1 - An Bibel Kernewek 20234 (Kernewek Kemmyn)

¹ Mars eus dadhel yntra gwer, dens i dhe vreuslys hag i a re barn dhedha; ena i a akwit an den gwiryon ha dampnya an tebelwas.

Dewteronomi 25:1 ပူးပေါင်းရင်းမြစ်များ

2 Samuel 23:3

Duw Ysrael a gewsis, Karrek Ysrael a leveris dhymm: Ev neb a rewl tus yn ewnder, hag a rewl yn own Duw,

1 Myghternedh 8:32

ena, klew yn nev, ha gweythres, ha breus dha wesyon, ow tampnya an den kablus dre dhri y fara war y benn y honan ha previ ewn an den gwiryon orth y wobra herwydh y ewnder.

Eksodus 22:9

Rag pub kas a berghennogeth disputys, kyn fo rag ojyon, asen, davas, dillas po tra gellys pynag, anodho may lever onan ‘Hemm yw an dra’, ken an dhew du a wra dos a-rag Duw; ev neb a wra Duw y dhampnya a wra tyli dewblekkweyth dh'y gentrevek.

Lavarow Koth 17:15

Neb a akwit an tebelwas ha neb a dhampen an den gwiryon, aga dew yw tra gasadow dhe'n Arloedh.

Ysay 1:17

dyskewgh gul da, hwilewgh gwirvreus, ewnewgh an arwasker, rewgh gwirvreus dhe'n omdhivas, defendyewgh an wedhwes.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 5:20

Go-i neb a lever drog dhe vos da, ha da dhe vos drog, ha gorra tewlder rag golow, ha golow rag tewlder, ha gorra hwerow rag hweg, ha hweg rag hwerow.

Ysay 5:23

neb a dhelirv an kablus dhe wari rag falswober, ha kemmeres ewnder dhe-ves dhiworth an dus wiryon.

Yeremia 21:12

A ji Davydh; yndellma y lever an Arloedh: Gwra gwirvreus pub myttin, ha livra a-dhiworth dorn an arwasker an den a veu robbys, ma na ello ow honnar yn-mes avel tan, ha leski, ha ny vydh denvyth dh'y difeudhi, rag drogedh agas gwriansow.

Kynvannow 3:35

pan vydh treylys a-denewen gwirvreus gour a-wel dhe'n Ughella,

Kynvannow 3:36

pan vydh domhwelys neb den yn y gen, ny vydh da gans an Arloedh.

Ezekiel 44:24

Yn ken a lagha i a sev yn breus, hag i a vreus herwydh ow breusow vy. I a with ow lagha ha'm ordenansow rag oll ow goelyow apoyntys, hag i a with ow sabotys sans.

Habakkuk 1:13

Re bur yw dha dhewlagas rag gweles droktra, ha ny yllydh perthi drogober. Prag y firydh ytho orth an falswesyon, ha synsi dha daves pan dhevor an tebelwas an den yw moy gwiryon agesso?

Habakkuk 1:4

Rakhenna dinerth yw an lagha, ha ny a gwirvreus nevra yn-rag. Rag an tebelwas a omsett a-dro dhe'n den gwiryon; ytho kammvreus a yn-rag.

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

Matthew 3:10

Ha lemmyn yma an voel gorrys war wreydhenn an gwydh; pub gwydhenn ytho na dheg frut da a vydh treghys dhe'n dor ha tewlys yn tan.

Dewteronomi 17:11

Ty a wra war-lergh an dyskans a dhyskons dhis, ha'n vreus a leverons dhis. Na dreyl a-denewen dhiworth an pyth a dherivons dhis, dyghow na kledh.

Dewteronomi 24:22

Porth kov dha vos keth yn pow Ejyp; rakhenna my a worhemmynn dhis gul an dra ma.