Dewteronomi 24:15 - An Bibel Kernewek 20234 (Kernewek Kemmyn)

¹⁵ Ro dhodho y arveth y'n keth jydh ma'n dendilas, kyns es an howl dhe sedhi warnodho, rag boghosek yw, ha'y vewnans a greg warnodho; ken ev a elow war an Arloedh er dha bynn, hag y fydh peghes ynnos.

Dewteronomi 24:15 ပူးပေါင်းရင်းမြစ်များ

Job 31:13

‘Mar skonnyen gwirvreus dhe'm gwas ha'm maghteth, pan esa gansa grevons er ow fynn,

Job 31:38

‘Mar kriis ow thir er ow fynn, ha'y fynnglow re oelas war-barth;

Job 34:28

I a wrug dhe gri an voghosogyon dos dhodho, may klewas ev kri an dus truan.

Job 35:9

‘Tus a gri drefenn an lies arwask; i a gri rag gweres drefenn bregh an alloesogyon.

Job 7:2

Kepar ha kethwas neb a'n jeves hwans a skeus, ha kepar hag arvethesik a hwila y wober,

Salmow 24:4

An den glan y dhiwleuv ha pur y golonn, na dhrehevis y enev dhe euveredh, na lia yn fals.

Salmow 25:1

Dhiso jy, A Arloedh, y trehavav ow enev.

Salmow 86:4

Lowenha enev dha was, rag dhiso jy, A Arloedh, y trehavav ow enev.

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Yeremia 22:13

Go-ev a dhrehav y ji der anewnder, ha'y jambouryow dre gammhynseth; neb a wra dh'y gentrevek lavurya heb gober, heb ri travyth dhodho rag y lavur;

Levitikus 19:13

Ny wre'ta arwaska dha gentrevek na'y robbya. Ny wra gober gwas arvethys gortos genes jy oll an nos bys y'n myttin.

Levitikus 25:35

Ha mars yw dha vroder devedhys ha bos boghosek ha heb pygans yn dha herwydh, ty a wra y ventena; kepar hag alyon po godriger y fydh ev trigys genes.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Matthew 20:8

Ha devedhys an gorthugher, arloedh an winlann a leveris dh'y vayli, “Galw an oberwesyon ha ro dhedha aga gober, ow talleth gans an re dhiwettha hag ena mos dhe'n re gynsa.”

Mark 10:19

Ty a woer an gorhemmynnow, “Na wra avoutri, Na ladh, Na lader, Na dhog fals dhustuni, Na doell, Enor dha das ha'th vamm.” ’

Dewteronomi 15:9

Kemmer with na vo drokpreder y'th kolonn, ow leverel, ‘An seythves blydhen re dheuth nes, blydhen an gevyans’, ha rakhenna dha lagas a vydh drog erbynn dha vroder boghosek, ha ny redh dhodho; hag ev a elow er dha bynn war an Arloedh, hag y fydh peghes ynnos.

1 Timothi 5:18

Rag yn-medh an skryptor, ‘Ny wredh kelmi min ojyon ow trushya’, hag, ‘An oberwas a dhervynn y wober.’

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.