Dewteronomi 24:14 - An Bibel Kernewek 20234 (Kernewek Kemmyn)

¹⁴ Na arwask arvethesik neb yw boghosek hag edhommek, onan a'th vreder po a'th alyons eus y'th tir a-ji dhe'th yetys.

Dewteronomi 24:14 ပူးပေါင်းရင်းမြစ်များ

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Lavarow Koth 22:16

Neb a arwask an boghosek dhe ynkressya y rychys, ha neb a re dhe'n den rych, a dheu dhe esow.

Ezekiel 22:7

Ynnos re beu tas ha mamm despitys; y'n kres ahanas i re arwaskas an alyon ha tebeldhyghtya an omdhivas ha gwedhwes.

Levitikus 19:13

Ny wre'ta arwaska dha gentrevek na'y robbya. Ny wra gober gwas arvethys gortos genes jy oll an nos bys y'n myttin.

Amos 2:7

I a drett yn-dann dreys penn an voghosogyon yn doust dor; ha treylya a-denewen fordh an dus uvel; den ha'y das a y'n keth vowes rag may fo disakrys ow hanow sans.

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Amos 8:4

Klewewgh hemma, hwi neb a stank war an edhommek ha diswul boghosogyon an tir,

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Luk 10:7

Gortewgh y'n keth chi na ow tybri hag owth eva pypynag a rollons, rag gwiw dhe'n oberwas yw y arveth. Na wrewgh sommys a unn chi dhe ji arall.

Dewteronomi 15:7

Mars eus yntredhowgh boghosek a onan a'th vreder yn onan a'th yetys y'th tir a wra an Arloedh dha Dhuw y ri dhis, na galesha dha golonn ha na dhege dha leuv dhiworth dha vroder boghosek,

1 Timothi 5:18

Rag yn-medh an skryptor, ‘Ny wredh kelmi min ojyon ow trushya’, hag, ‘An oberwas a dhervynn y wober.’