Dewteronomi 24:13 - An Bibel Kernewek 20234 (Kernewek Kemmyn)

¹³ Daskorr dhodho an goestel pan sedh an howl rag may kosko yn y vantell ha'th vennikka, hag y fydh ewnder dhis a-rag an Arloedh dha Dhuw.

Dewteronomi 24:13 ပူးပေါင်းရင်းမြစ်များ

Jenesis 15:6

Hag ev a fydhyas y'n Arloedh, hag ev a'n akontyas dhodho avel ewnder.

Salmow 112:9

Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

Eksodus 22:25

Mar prestydh arghans dhe nebonan a'm pobel genes neb yw boghosek, ny vydhydh dhodho avel kresysor, ha ny wovynnydh oker anodho.

Ysay 58:8

Ena dha wolow a dardh avel an bora, ha'th yaghheans a egin dihwans, ha'th ewnder a gerdh a-ragos; glori an Arloedh a vydh dha withyas dhelergh.

Ezekiel 18:12

neb a arwask an boghosek ha'n edhommek, neb a byll, neb na dhaskorr gaja, neb a dhrehav y dhewlagas dhe idolys, ha gul tra gasadow,

Ezekiel 18:16

neb na arwask denvyth, na kemmeres gaja, na pylla, mes neb a re y vara dhe'n nownek, ha kwetha an noeth gans dillasenn;

Ezekiel 18:7

nag arwaska denvyth, mes ev a dhaskorr an pyth a gemmeras avel gaja rag prestenn; mar ny wra ladrynsi, mes ev a re y vara dhe'n nownek, ha kwetha an noeth gans dillasenn,

Ezekiel 33:15

– mar taskorr an tebelwas gaja, hag attyli an pyth ledrys, ha kerdhes yn ordenansow bewnans heb gul anewnder – ev a vew yn surredi, ha ny verow.

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Amos 2:8

War dhillas kemmerys yn goestel i a wrowedh ryb pub alter; ha gwin a'n re neb re beu spalys a evons yn chi aga Duw.

Efesianys 4:26

‘Bedhewgh serrys ha na wrewgh pegha.’ Na wres an howl sedhi war agas sorr,

Dewteronomi 24:12

Mars yw ev gour boghosek, na wrowedh dhe gosk, ha'n goestel hwath genes.

Dewteronomi 24:15

Ro dhodho y arveth y'n keth jydh ma'n dendilas, kyns es an howl dhe sedhi warnodho, rag boghosek yw, ha'y vewnans a greg warnodho; ken ev a elow war an Arloedh er dha bynn, hag y fydh peghes ynnos.

Dewteronomi 6:25

Y fydh dhyn ewnder mar kwaytyn ni gul oll an gorhemmynn ma a-wel dhe'n Arloedh agan Duw, kepar dell worhemmynnis dhyn.’

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.