Dewteronomi 23:20 - An Bibel Kernewek 20234 (Kernewek Kemmyn)

²⁰ Dhe'n estren ty a yll presta ow kovynn oker, mes dhiworth dha vroder na wovynn oker, rag ma'th vennikko an Arloedh dha Dhuw yn pup-tra may hworrydh dha leuv warnodho y'n tir esos ow tos bys di dh'y erita.

Dewteronomi 23:20 ပူးပေါင်းရင်းမြစ်များ

Nehemia 5:7

Lemmyn my a ombrederis y'm brys ha my a gedrynnas gans an ugheloryon ha'n soedhogyon. My a leveris dhedha, ‘Hwi a gemmer oker, pubonan dhiworth y vroder.’ Ytho my a elwis kuntelles bras er aga fynn.

Salmow 15:5

neb na ros y arghans yn oker, ha na gemmeras falswober erbynn an den gwiryon. Neb a wra an taklow ma ny vydh ow trebuchya bynitha.

Eksodus 22:24

hag ow sorr a wra leski, ha my a'gas ladh dre gledha, ha'gas gwragedh a vydh gwedhwesow ha'gas mebyon a vydh omdhivasow.

Eksodus 22:25

Mar prestydh arghans dhe nebonan a'm pobel genes neb yw boghosek, ny vydhydh dhodho avel kresysor, ha ny wovynnydh oker anodho.

Lavarow Koth 19:17

Neb yw grassyes orth an voghosogyon a re kendon dhe'n Arloedh, hag ev a re dhodho attal y ober.

Ysay 1:19

Mars yw agas bodh ha mar pydhowgh gostydh, hwi a dheber dader an tir;

Ysay 24:2

Hag y fydh an keth tra rag an bobel ha'n oferyas, rag an gwas ha'n mester, rag an vaghteth ha'y mestres, rag an prener ha'n gwerther, rag an prester ha'n chevisyer, rag an kresysor ha'n kendoner.

Ezekiel 18:8

mar ny wra presta rag oker, na kemmeres goroker, mar ny dreyl y leuv dhiworth kammhynseth, mes ev a wra gwirvreus yntra gour ha gour,

Levitikus 25:36

Na gemmer oker na gwayn dhiworto, mes perth own a dha Dhuw, may pessyo dha vroder bos trigys genes.

Luk 14:14

ha gwynnvys ty a vydh, rag ny yllons ri attal dhis; rag attal a vydh res dhis yn dasserghyans an re wiryon.’

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

Dewteronomi 14:21

Ny dhebrowgh karyn vytholl. Ty a yll y ri dhe'n alyon usi a-ji dhe'n yetys hag ev a'n deber; po ty a yll y wertha dhe estren, rag ty dhe vos pobel sans dhe'n Arloedh dha Dhuw. Ny wre'ta bryjyon mynn yn leth y vamm.

Dewteronomi 15:10

Ty a re dhodho yn surredi, ha na vedhes dha golonn drok-pes pan redh dhodho; ena rag an dra ma, an Arloedh dha Dhuw a'th vennik yn oll dha ober hag yn pup-tra may hworrydh dha leuv warnodho.

Dewteronomi 15:3

Ty a yll govynn talas dhiworth an estren, mes an pyth yw dhis gans dha vroder ty a wra y relessya.

Dewteronomi 28:12

An Arloedh a iger y dresorva dha, an nevow, dhe ri glaw dhe'th tir yn y seson ha dhe venniga oll an ober a'th leuv; ty a brest dhe lies kenedhel mes ty, ny gevydh prestenn.