Dewteronomi 22:24 - An Bibel Kernewek 20234 (Kernewek Kemmyn)

²⁴ hwi a's dre aga dew dhe yet an dre na, ha'ga labydha gans meyn may farwons, an vyrgh drefenn na armas y'n dre, ha'n gour drefenn ev dhe uvelhe gwreg y gentrevek. Yndella ty a garth an drog a-dhiworthowgh.

Dewteronomi 22:24 ပူးပေါင်းရင်းမြစ်များ

Jenesis 29:21

Ena yn-medh Yakob dhe Laban, ‘Roy dhymm ow gwreg, rag kollenwys yw ow dydhyow, may hylliv mos a-bervedh dhedhi hi.’

Job 31:11

Rag henna a via tra vethus, kammweyth dhe vos breusys;

Ezekiel 16:38

My a'th vreus gans breus avoutres ha'n re a skoell goes; ha my a dhre warnas an goes a sorr hag avi.

Levitikus 20:10

Ha'n gour a wra avoutri gans gwreg gour arall, neb a wra avoutri gans gwreg y gentrevek, a vydh gorrys dhe'n mernans yn sur, ha'n avoutrer ha'n avoutres.

Matthew 1:20

Hag ev owth ombrederi a-dro dhe'n taklow ma, awotta, el an Arloedh a omdhiskwedhas dhodho dre hunros, ow leverel, ‘Yosep mab Davydh, na borth own a gemmeres Maria yn gwreg dhis; rag an pyth usi omdhegys ynni yw der an Spyrys Sans.

Matthew 1:24

Ha Yosep pan dhifunas a'y gosk a wrug par dell worhemmynnsa dhodho el an Arloedh hag a gemmeras y wreg dhodho ev,

1 Korinthianys 5:13

Duw a vreus an re a-ves. ‘Tewlewgh an tebelwas yn-mes ahanowgh agas honan.’

1 Korinthianys 5:2

Ha goethus yth owgh hwi. A ny goedhvia dhywgh oela, ha tewlel yn-mes a-dhiworthowgh ev neb re wrug an drogober ma?

Dewteronomi 13:5

An profoes na, po an hunroser na a hunrosow, a vydh gorrys dhe'n mernans, rag ev dhe gewsel rebellyans erbynn an Arloedh agas Duw neb a'gas dros yn-mes a bow Ejyp ha dha dhasprena dhiworth an chi a gethneth, dhe'th tynya dhiworth an fordh a wrug an Arloedh dha Dhuw gorhemmynna dhis, dhe gerdhes ynni. Yndella ty a garth an drog yn-mes ahanowgh.

Dewteronomi 17:7

Leuv an dhustunioryon a vydh kynsa warnodho dh'y ladha, ha leuv oll an bobel a-wosa. Yndella ty a garth an drog yn-mes ahanowgh.

Dewteronomi 21:14

Mar nyns osta pes da anedhi, ena gwra hy dannvon plepynag a vynno; na werth hi mann a vona, na wra hy dyghtya avel kethes, rag ty re's uvelhas.

Dewteronomi 22:23

Mars eus myrgh yw gwyrghes ambosys dhe wour, ha gour arall a's kyv y'n dre ha growedha gensi,

Dewteronomi 22:25

Mes mars eus y'n gwel may tyerbynn an gour an vyrgh ambosys, ha'n gour a's dalghenn ha growedha gensi, ny verow saw unnsel an gour a wrowedhas gensi.