Dewteronomi 22:21 - An Bibel Kernewek 20234 (Kernewek Kemmyn)

²¹ ena i a dhre an vyrgh yn-mes dhe dharas chi hy thas, ha gwer hy thre a's labydh gans meyn may farwo, drefenn hi dhe wul outray yn Ysrael, ow pos hora yn chi hy thas. Yndella ty a garth an drog a-dhiworthowgh.

Dewteronomi 22:21 ပူးပေါင်းရင်းမြစ်များ

Jenesis 34:7

Pan glewsons, mebyon Yakob a dheuth dhiworth an gwel, ha troblys o an wer, ha pur serrys; rag ev re wrussa outray yn Ysrael ow krowedha gans myrgh Yakob, rag ny dhegoedh gul yndella.

Jenesis 38:24

A-dro dhe dri mis wosa hemma, y feu derivys dhe Yuda ow leverel, ‘Tamar, dha wohydh re dheuth ha bos hora, ha, moy es henna, hi re gonsevyas dre horyans.’ Yn-medh Yuda, ‘Drewgh hi yn-mes dhe vos leskys.’

Levitikus 19:29

Na wre'ta defola dha vyrgh ow kul dhedhi bos hora, na goettho an wlas yn fornikasyon ha na dheffo ha bos leun a bodrogeth.

Levitikus 20:2

Ty a lever ynwedh dhe vebyon Ysrael, Piwpynag a vebyon Ysrael po a'n alyons usi trigys yn Ysrael a rollo re a'y fleghes dhe Molek, a vydh gorrys yn sur dhe'n mernans. Pobel an tir a wra y labydha gans meyn.

Levitikus 21:9

Ha mar omdhisaker myrgh neb unn oferyas, ow farya avel hora, hi a dhisaker hy thas. Hi a vydh leskys dre dan.

Levitikus 24:16

Ha neb a vlasfem hanow an Arloedh a vydh gorrys dhe'n mernans yn sur; oll an kuntelles a'n labydh yn sur; an alyon ha'n genesik maga ta, pan volleth an Hanow, a vydh gorrys dhe'n mernans.

Levitikus 24:23

Ha Moyses a gewsis orth mebyon Ysrael, bos res dhedha dri neb re wrussa mollethi yn-mes a'n kamp ha'y labydha gans meyn. Ha mebyon Ysrael a wrug dell erghis an Arloedh dhe Moyses.

1 Korinthianys 5:13

Duw a vreus an re a-ves. ‘Tewlewgh an tebelwas yn-mes ahanowgh agas honan.’

Dewteronomi 13:10

Labydh ev gans meyn may farwo, drefenn ev dhe hwilas dha dhynya dhiworth an Arloedh dha Dhuw neb a's dros yn-mes a bow Ejyp, dhiworth an chi a gethneth.

Dewteronomi 13:5

An profoes na, po an hunroser na a hunrosow, a vydh gorrys dhe'n mernans, rag ev dhe gewsel rebellyans erbynn an Arloedh agas Duw neb a'gas dros yn-mes a bow Ejyp ha dha dhasprena dhiworth an chi a gethneth, dhe'th tynya dhiworth an fordh a wrug an Arloedh dha Dhuw gorhemmynna dhis, dhe gerdhes ynni. Yndella ty a garth an drog yn-mes ahanowgh.

Dewteronomi 13:6

Mara'th tynnyo yn-dann gel dha vroder, mab dha vamm, po dha vab, po dha vyrgh, po gwreg dha askra, po dha gothman yw kepar ha'th enev dha honan, ow leverel, ‘Deun ha servyn duwow erell’, na aswonnsys jy na'th tasow,

Dewteronomi 17:5

ena ty a dhre dhe-ves an gour na, po an venyn na, a wrug an dra dhrog ma, bys y'th yetys; ha hwi a labydh an gour po an venyn gans meyn, rag may ferwons.

Dewteronomi 17:7

Leuv an dhustunioryon a vydh kynsa warnodho dh'y ladha, ha leuv oll an bobel a-wosa. Yndella ty a garth an drog yn-mes ahanowgh.

Dewteronomi 19:19

ena y hwrewgh dhodho ev kepar dell vynnas gul dh'y vroder. Yndella ty a garth an drog a-dhiworthowgh.

Dewteronomi 21:21

Ena oll gwer y dre a'n labydh gans meyn, may farwo. Yndella ty a garth an drog a-dhiworthowgh, hag oll Ysrael a glew, ha perthi own.

Dewteronomi 22:22

Mars yw gour kevys ow krowedha gans benyn yw demmedhys gans gorti, ytho an dhew a verow, an gour ow krowedha gans an venyn, ha'n venyn. Yndella ty a garth an drog dhiworth Ysrael.

Dewteronomi 22:24

hwi a's dre aga dew dhe yet an dre na, ha'ga labydha gans meyn may farwons, an vyrgh drefenn na armas y'n dre, ha'n gour drefenn ev dhe uvelhe gwreg y gentrevek. Yndella ty a garth an drog a-dhiworthowgh.

Breusysi 19:23

Ha'n gour, mester an chi, eth yn-mes dhedha hag a leveris dhedha, ‘Na, ow breder, na omdhegewgh hwi mar dhrog. Drefenn bos an gour ma ow gwester, na wrewgh an dra dhivlas ma.

Breusysi 20:10

Ni a gemmer deg gour yn-mes a gans der oll loethow Ysrael, ha kans yn-mes a vil, ha mil yn-mes a dheg mil, rag dri provians rag an bobel, a vydh ow mos rag attyli dhe Gibea yn Benyamin a'n dra dhivlas re wrussons yn Ysrael.’

Breusysi 20:5

Gwer Gibea a sevis er ow fynn, hag a gylghyas an chi yn nos, ha'ga thowl o ow ladha, hag i a ravnas ow iswreg bys pan verwis.

Breusysi 20:6

Ena my a gemmeras ow iswreg hag a's troghas yntra rannow, hag a's dannvonas der oll pow eretons Ysrael, rag i re wrussa tra dhivlas yn Ysrael.