Dewteronomi 21:23 - An Bibel Kernewek 20234 (Kernewek Kemmyn)

²³ na vedhes gesys y gorf dre nos war an wydhenn, mes ty a'n ynkleudh an keth jydh na, rag milligys gans Duw yw den kregys; ma na dhefolli dha dir a wra an Arloedh dha Dhuw y ri dhis avel eretons.

Dewteronomi 21:23 ပူးပေါင်းရင်းမြစ်များ

Galatianys 3:13

Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’,

Yowann 19:31

Ytho rag y vos dydh an darbar, rag na worta an korfow war an grows y'n sabot (rag bos dydh an sabot na dy'goel ughel), an Yedhewon a bysis Pilat may fe terrys aga diwarr ha may fens degys dhe-ves.

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Levitikus 18:25

ha defolys yw an tir. Ytho my a'n kessydhyas rag y gammweyth, ha'n tir y honan a hwyj yn-mes y drigoryon.

Romanyon 9:3

Rag y'm bia bodh my ow honan dhe vos milliges ha diberthys dhiworth Krist rag ow breder, ow herens a-barth an kig.

Niverow 25:4

ha'n Arloedh a leveris dhe Moyses, ‘Kemmer oll pennow an bobel, ha'ga kregi y'n howl a-rag an Arloedh, may treyllyo sorr fers an Arloedh dhiworth Ysrael.’

Yoshua 8:29

Ev a grogas myghtern Ay war wydhenn bys y'n gorthugher; ha pan sedhis an howl Yoshua a worhemmynnis dhedha hag i a dorras an korf yn-nans a'n wydhenn, ha'y dewlel dhe'n dor orth entrans yet an sita, ha drehevel a-ughto kals bras a veyn, eus ena bys y'n jydh ma.

1 Korinthianys 16:22

Neb na gar an Arloedh, bedhes milliges. Re dheffo agan Arloedh!

Yoshua 7:12

Ytho ny allas mebyon Ysrael sevel a-dherag aga eskerens; i a dreylyas aga hilbenn dh'aga eskerens, drefenn i aga honan dhe vos tra sakrys dhe dhistruyans. Ny vydhav genowgh namoy, marnas hwi a dhistru an taklow sakrys a-dhiworthowgh.

2 Samuel 21:6

bedhes seyth a'y vebyon res dhyn, ha ni a's kreg yn-bann a-rag an Arloedh yn Gibea a Sowl, dewisys an Arloedh.’ Ha'n myghtern a leveris, ‘My a's re dhywgh.’

Dewteronomi 7:26

Na dhro pyth kasadow dhe'th chi, ma na vi sakrys rag distruyans avello. Ty a'n kas gans kas kowal, ha'y aborrya, drefenn y vos sakrys rag distruyans.

2 Samuel 21:10

Ena Rispa myrgh Aya a gemmeras yskar ha'y lesa rygdhi hy honan war an garrek, dhiworth dalleth an drevas bys pan goedhas dowr war an korfow dhiworth an nevow; ha ny asas dhe bowes warnedha naneyl ydhyn an ayr dres dydh, na bestes gwyls dres nos.

Ezekiel 39:12

Ha chi Ysrael a vydh orth aga ynkleudhyas seyth mis, rag glanhe an tir.

Dewteronomi 4:21

An Arloedh a sorras orthiv drefenn agas geryow, ha ti na dreussiv an Yordan, na dos dhe'n tir da a wra an Arloedh dha Dhuw y ri dhis avel eretons.

Dewteronomi 25:19

Ytho pan wra an Arloedh dha Dhuw ri dhis powesva dhiworth oll dha eskerens a-derdro, y'n tir a wra an Arloedh dha Dhuw y ri dhis avel eretons dh'y erita, ena ty a dhefend dhe-ves yn tien kov Amalek a-dhann nev. Na ankov.

2 Myghternedh 10:8

Y teuth kannas, hag ev a dherivas dhodho, ow leverel, ‘I re dhros pennow mebyon an myghtern.’ Ena ev a leveris, ‘Gorrewgh i yn dew gals orth entrans an yet bys myttin.’