Dewteronomi 21:22 - An Bibel Kernewek 20234 (Kernewek Kemmyn)

²² Mars eus yn gour pegh a dhervynn an mernans, hag ev yw gorrys dhe'n mernans, ha ty a'n kreg war wydhenn,

Dewteronomi 21:22 ပူးပေါင်းရင်းမြစ်များ

Oberow 26:31

ha pan esens owth omdenna, i a leveris an eyl orth y gila, ‘Nyns usi an den ma ow kul travyth ow tervynn an mernans po chaynys.’

Oberow 23:29

My a gavas y vos kuhudhys a-dro dhe wovynnow a'ga lagha, mes na veu kuhudhys a dravyth a dhervynnas na'n mernans na prisonyans.

Luk 23:33

Ha pan dheuthons dhe'n tyller henwys An Grogen, i a growsyas Yesu ena, ha'n dhrogoberoryon, an eyl a-dhyghow ha'y gila a-gledh.

Matthew 26:66

Pandr'a dybowgh?’ I a worthybis ow leverel, ‘Gwiw yw dhe verwel.’

Dewteronomi 22:26

Mes dhe'n vyrgh na wra travyth; nyns eus y'n vyrgh pegh a dhervynn an mernans, rag kepar ha pan sev gour erbynn y gentrevek ha'y ladha, yndella yw an dra ma;

Oberow 25:11

Rakhenna mar kammwrav ha mar kwrug vy neppyth ow tervynn an mernans, ny skonyav a verwel; mes mar nyns eus travyth y'n taklow ma'm kuhudh an re ma, denvyth ny yll ow daskorr dhedha. Orth Sesar y halwav.’

Mark 14:64

Hwi re glewas an blasfemi. Pandr'a brederowgh hwi?’ Ha peub oll a'n dampnyas, bos ow tervynn an mernans.

2 Samuel 21:9

hag ev a's ros yn leuv an Gibeonysi, hag i a's krogas yn-bann war an menydh a-rag an Arloedh. Oll seyth anedha a goedhas war-barth; I a veu gorrys dhe'n mernans yn kynsa dydhyow an drevas, yn dalleth trevas an heydh.

2 Samuel 21:6

bedhes seyth a'y vebyon res dhyn, ha ni a's kreg yn-bann a-rag an Arloedh yn Gibea a Sowl, dewisys an Arloedh.’ Ha'n myghtern a leveris, ‘My a's re dhywgh.’

2 Samuel 4:12

Ytho Davydh a erghis dhe'n wer yowynk, hag i a'gas ladhas; i a droghas dhe-ves aga diwleuv ha'ga dewdroes, hag i a'ga krogas ryb an poll yn Hebron. Mes i a gemmeras penn Ish-bosheth ha'y ynkleudhyas yn bedh Abner yn Hebron.

1 Samuel 26:16

An dra ma re wrussys, nyns yw da. Dell vew an Arloedh, hwi a dhervynn an mernans, drefenn na withsowgh war agas arloedh, untys an Arloedh. Mir lemmyn, ple'ma guw an myghtern; po an seth-dowr esa orth y benn?’

Yoshua 10:26

A'y wosa Yoshua a's gweskis ha'ga ladha, ha'ga kregi dhiworth pymp gwydhenn. Hag yth esens ow kregi dhiworth an gwydh bys y'n gorthugher.

Yoshua 8:29

Ev a grogas myghtern Ay war wydhenn bys y'n gorthugher; ha pan sedhis an howl Yoshua a worhemmynnis dhedha hag i a dorras an korf yn-nans a'n wydhenn, ha'y dewlel dhe'n dor orth entrans yet an sita, ha drehevel a-ughto kals bras a veyn, eus ena bys y'n jydh ma.

Dewteronomi 19:6

ma na helghyo or an goes war-lergh an ladher yn gwres y sorr, ha dos bys dhodho wortiwedh, drefenn hirder an fordh, ha'y ladha kyn na dhervynnas an mernans, rag na'n kasas kyns.

Oberow 25:25

Byttegyns, my a gonvedhas na wrug ev travyth ow tervynn an mernans, mes pan elwis ev y honan orth an Emperour, my a erviras y dhannvon.

Niverow 25:4

ha'n Arloedh a leveris dhe Moyses, ‘Kemmer oll pennow an bobel, ha'ga kregi y'n howl a-rag an Arloedh, may treyllyo sorr fers an Arloedh dhiworth Ysrael.’

Yoshua 10:27

Yn termyn an howlsedhes Yoshua a worhemmynnis, hag i a's kemmeras yn-nans dhiworth an gwydh hag a's tewlis dhe'n kav le mayth omgudhsens; i a worras meyn bras yn ganow an kav, hag ymons ena poran y'n jydh ma.

Jenesis 40:19

A-ji dhe drydydh, Faro a dhrehav dha benn dhiworthis ha'th kregi war wydhenn, hag y fydh an ydhyn ow tybri dha gig dhiworthis.’

2 Samuel 21:10

Ena Rispa myrgh Aya a gemmeras yskar ha'y lesa rygdhi hy honan war an garrek, dhiworth dalleth an drevas bys pan goedhas dowr war an korfow dhiworth an nevow; ha ny asas dhe bowes warnedha naneyl ydhyn an ayr dres dydh, na bestes gwyls dres nos.