Dewteronomi 21:21 - An Bibel Kernewek 20234 (Kernewek Kemmyn)

²¹ Ena oll gwer y dre a'n labydh gans meyn, may farwo. Yndella ty a garth an drog a-dhiworthowgh, hag oll Ysrael a glew, ha perthi own.

Dewteronomi 21:21 ပူးပေါင်းရင်းမြစ်များ

2 Samuel 18:17

I a gemmeras Absalom ha'y dewlel yn pytt bras y'n goeswik, ha drehevel a-ughto kals bras a veyn. Hag oll Ysrael a fias, pubonan dh'y dylda.

Eksodus 21:17

Piwpynag a vollettho y das po y vamm a vydh gorrys dhe'n mernans.

Lavarow Koth 30:17

An lagas hag a dhispres tas hag a skorn bos gostydh dhe vamm a vydh pigys yn-mes gans marghvrini an nans ha dybrys gans an eryon.

Levitikus 20:2

Ty a lever ynwedh dhe vebyon Ysrael, Piwpynag a vebyon Ysrael po a'n alyons usi trigys yn Ysrael a rollo re a'y fleghes dhe Molek, a vydh gorrys yn sur dhe'n mernans. Pobel an tir a wra y labydha gans meyn.

Levitikus 20:27

Gour po benyn neb a wra nygromons po neb a vo koelyek a vydh gorrys dhe'n mernans yn sur. I a vydh labydhys gans meyn. Aga goes a vydh warnedha.

Levitikus 24:14

Doro neb re vollethis yn-mes a'n kamp, ha gwres peub a'n klewas gorra aga diwleuv war y benn, ha gwres oll an kuntelles y labydha.

Levitikus 24:16

Ha neb a vlasfem hanow an Arloedh a vydh gorrys dhe'n mernans yn sur; oll an kuntelles a'n labydh yn sur; an alyon ha'n genesik maga ta, pan volleth an Hanow, a vydh gorrys dhe'n mernans.

Niverow 15:25

Ha'n oferyas a wra prenedh dhe'n kuntelles oll a vebyon Ysrael hag y fydh gevys dhedha; drefenn y vos kammwrians gwrys heb y wodhvos, hag i re dhros aga offrynn, offrynn dre dan dhe'n Arloedh, ha'ga offrynn pegh a-rag an Arloedh, rag aga hammweyth.

Niverow 15:35

Ha'n Arloedh a leveris dhe Moyses, ‘An gour a vydh gorrys dhe'n mernans; an kuntelles oll a wra y labydha gans meyn yn-mes a'n kamp.’

Niverow 15:36

Ha'n kuntelles oll a'n dros yn-mes a'n kamp, ha'y labydha dhe'n mernans gans meyn, dell worhemmynnis an Arloedh dhe Moyses.

1 Korinthianys 5:13

Duw a vreus an re a-ves. ‘Tewlewgh an tebelwas yn-mes ahanowgh agas honan.’

Dewteronomi 13:12

Mar klewydh y feu leverys a-dro dhe onan a'th trevow a wrug an Arloedh dha Dhuw aga ri dhis dhe driga ena,

Dewteronomi 13:5

An profoes na, po an hunroser na a hunrosow, a vydh gorrys dhe'n mernans, rag ev dhe gewsel rebellyans erbynn an Arloedh agas Duw neb a'gas dros yn-mes a bow Ejyp ha dha dhasprena dhiworth an chi a gethneth, dhe'th tynya dhiworth an fordh a wrug an Arloedh dha Dhuw gorhemmynna dhis, dhe gerdhes ynni. Yndella ty a garth an drog yn-mes ahanowgh.

Dewteronomi 13:6

Mara'th tynnyo yn-dann gel dha vroder, mab dha vamm, po dha vab, po dha vyrgh, po gwreg dha askra, po dha gothman yw kepar ha'th enev dha honan, ow leverel, ‘Deun ha servyn duwow erell’, na aswonnsys jy na'th tasow,

Dewteronomi 17:5

ena ty a dhre dhe-ves an gour na, po an venyn na, a wrug an dra dhrog ma, bys y'th yetys; ha hwi a labydh an gour po an venyn gans meyn, rag may ferwons.

Dewteronomi 17:7

Leuv an dhustunioryon a vydh kynsa warnodho dh'y ladha, ha leuv oll an bobel a-wosa. Yndella ty a garth an drog yn-mes ahanowgh.

Dewteronomi 21:20

Yn-medhons dhe henavogyon y dre, ‘Agan mab ma yw gorth ha diwostydh. Ny woslow agan lev; diswar yw, ha penn-medhow.’

Dewteronomi 22:21

ena i a dhre an vyrgh yn-mes dhe dharas chi hy thas, ha gwer hy thre a's labydh gans meyn may farwo, drefenn hi dhe wul outray yn Ysrael, ow pos hora yn chi hy thas. Yndella ty a garth an drog a-dhiworthowgh.

Dewteronomi 22:24

hwi a's dre aga dew dhe yet an dre na, ha'ga labydha gans meyn may farwons, an vyrgh drefenn na armas y'n dre, ha'n gour drefenn ev dhe uvelhe gwreg y gentrevek. Yndella ty a garth an drog a-dhiworthowgh.