Dewteronomi 20:19 - An Bibel Kernewek 20234 (Kernewek Kemmyn)

¹⁹ Pan omsettydh lies dydh a-dro dhe dre, ow patalyas orti rag hy hemmeres, ny dhistruydh hy gwydh ow trehevel boel er aga fynn; rag ty a yll dybri frut anedha. Ytho na wra aga threghi; rag nyns yw gwydh an gwel mab-den, mayth omsettydh a-dro dhedha.

Dewteronomi 20:19 ပူးပေါင်းရင်းမြစ်များ

2 Myghternedh 3:19

Hwi a wysk pub sita gerys, ha pub sita dhewisys, ha treghi pub gwydhenn dha, ha stoppya pub fenten a dhowr, ha diswul pub splatt a dir da gans meyn.’

2 Myghternedh 3:25

Hag i a dhomhwelas an sitys, ha pub gour a dewlis men war bub splatt a dir da ha'y lenwel; hag i a stoppyas pub fenten a dhowr, ha treghi pub gwydhenn dha, bys pan na veu gesys marnas Kir-hareseth gans hy meyn yn aga le, mes tus ervys gans towlbrennyer a's kyrghynnas hag omsettya er hy fynn.

Yeremia 6:6

Rag yndella re gewsis Arloedh an luyow: Terrewgh hy gwydh, ha krugyewgh gweyth-esedhva erbynn Yerusalem: Ogh, sita a falsuri! nyns eus marnas arwask ynni.

Matthew 21:19

Hag ow kweles unn figbrenn ryb an fordh, ev a dheuth dhodho, mes ny gavas travyth warnodho saw unnsel delyow, hag yn-medh ev dhodho, ‘Na dhes frut dhiworthis na fella bys vykken!’ Ha dihwans an figbrenn a wedhras.

Matthew 3:10

Ha lemmyn yma an voel gorrys war wreydhenn an gwydh; pub gwydhenn ytho na dheg frut da a vydh treghys dhe'n dor ha tewlys yn tan.

Dewteronomi 20:18

rag na'gas dyskons dhe wul war-lergh oll an taklow kasadow a wrons rag aga duwow, ha hwi a begh erbynn an Arloedh agas Duw.

Dewteronomi 20:20

Saw gwydhenn a wodhes nag yw gwydhenn boes, honna y hyllydh distrui ha treghi rag drehevel tommenn erbynn an dre a woestel bel er dha bynn, bys pan goettho.

Dewteronomi 26:6

Mes an Ejyptianys a'gan tebeldhyghtyas ha'gan arwaska, ha gorra warnan lavur kales.