Dewteronomi 20:14 - An Bibel Kernewek 20234 (Kernewek Kemmyn)

¹⁴ mes an benynes ha'n fleghigyow ha'n chatel ha pup-tra eus y'n dre, oll an preydh anedhi, ty a byll ragos dha honan, ha dybri preydh dha eskerens a wrug an Arloedh dha Dhuw y ri dhis.

Dewteronomi 20:14 ပူးပေါင်းရင်းမြစ်များ

Yoshua 8:2

Ty a wra dhe Ay ha'y vyghtern dell wrussys dhe Yeriko ha'y vyghtern; saw ty a yll gwitha ragowgh agas honan an preydh ha'n bestes. Sett kontrewaytyans erbynn an sita, a-dryv dhedhi.’

Yoshua 22:8

ev a leveris dhedha, ‘Dehwelewgh gans rychys meur dh'agas tyldow, ha gans pur lies gwarthek, gans arghans, owr, brons, ha horn, ha gans pur lies dillas; rynnewgh gans agas breder preydh agas eskerens.’

Niverow 31:9

Ha mebyon Ysrael a gemmeras benynes Midyan yn kethneth ha'ga re vyghan; hag i a gemmeras yn preydh oll aga gwarthek, aga greow, hag oll aga gwara.

Romanyon 8:37

Mes yn oll an taklow ma moy es tryghoryon on dredho ev neb a'gan kara.

Salmow 68:12

‘Myghternedh a luyow a fias dhe'n fo!’ An venyn esa ow kortos yn tre a rannas an preydh.

2 Kroniklys 20:25

Pan dheuth Yehoshafat ha'y bobel dhe gemmeres an preydh, i a gavas chatel pals, shour a dhaffar, dillas, ha taklow drudh, hag i a's pyllas ragdha aga honan bys pan na's tevo degi moy. Tri dydh yth esens ow pylla an preydh, drefenn y balster.

Yoshua 11:14

An Ysraelysi a byllas oll preydh an sitys ma ha gwitha ragdha aga honan an bestes ha'n preydh arall; mes i a weskis oll an dus gans min an kledha, bys pan y's distrusens oll. Ny assons dhe vewa denvyth a anellas.

Niverow 31:18

Mes oll an mowesi yowynk na aswonnis gour dre goska ganso, gwithewgh yn few dh'agas honan.

Niverow 31:12

Ena i a dhros an gethyon ha'n pyth a veu pyllys ha'n preydh dhe Moyses, ha dhe Eleazar an oferyas, ha dhe guntelles mebyon Ysrael, dhe'n kamp yn plenys Moab ryb Yordan a-dal Yeriko.

Niverow 31:11

ha kemmeres oll an preydh ha'n pyth a veu pyllys, hag a dhen hag a vest.

Niverow 31:15

Ha Moyses a leveris dhedha, ‘A essowgh oll an benynes dhe vewa?

Dewteronomi 20:15

Yndella y hwredh dhe oll an trevow pell dhiworthis, marnas an trevow a wra an kenedhlow yn ogas aga ferghenna.

Dewteronomi 2:35

Saw unnsel an chatel y pyllsyn ragon agan honan, ha preydh an trevow a gemmersyn.