Dewteronomi 19:15 - An Bibel Kernewek 20234 (Kernewek Kemmyn)

¹⁵ Ny wra unn dustunier sevel erbynn gour a-dro dhe neb kammweyth po neb pegh, yn pegh pynag a wrello. Dre dhustuni dew dhustunier po dre dhustuni tri dustunier an dra a sev.

Dewteronomi 19:15 ပူးပေါင်းရင်းမြစ်များ

1 Myghternedh 21:10

settyewgh dew vilen a-dal dhodho dhe dhustunia er y bynn, ow leverel, “Ty re vollethis Duw ha'n myghtern.” Ena degewgh e yn-mes, ha'y labydha bys y'n mernans.’

1 Myghternedh 21:13

An dhew vilen a dheuth a-ji hag esedha a-dal dhodho; ha'n vilens a dhustunias erbynn Naboth yn lok an bobel, ow leverel, ‘Naboth a vollethis Duw ha'n myghtern.’ Ytho i a'n dug yn-mes a'n sita ha'y labydha bys y'n mernans.

Niverow 35:30

Mar lattho neb den, an moldrer a vydh gorrys dhe'n mernans war dhustuni dustunioryon; mes ny vydh denvyth gorrys dhe'n mernans war dhustuni unn dustunier.

Matthew 18:16

mes mar ny goslow, kemmer genes onan po dew arall may fo pub lavar destys dre anow dew po tri dustunier;

Yowann 7:51

‘A wra agan lagha breusi den heb goslowes orto kyns, ha godhvos pandr'a wra?’

Yowann 8:17

Hag yn agas lagha skrifys yw, dustuni dew dhen dhe vos gwir.

2 Korinthianys 13:1

Homm yw an tressa gweyth may tov dhywgh; ‘Res yw pub mater dhe vos skoedhys dre anow dew po tri dustunier.’

Dewteronomi 17:6

Orth ganow dew dhustunier po tri dustunier, an den dampnys dhe'n mernans a vydh ledhys. Ny vydh ledhys orth unn ganow.

1 Timothi 5:19

Na wra degemmeres kuhudhans erbynn henavek marnas war lavar dew po tri dustunier.

Ebrowyon 10:28

Neb re dhenaghas lagha Moyses a verow heb truedh ‘war dhustuni dew po tri dustunier.’