Dewteronomi 17:20 - An Bibel Kernewek 20234 (Kernewek Kemmyn)

²⁰ rag na vo y golonn ughelhes a-ugh y vreder, ha rag na dreyllyo a-denewen dhiworth an gorhemmynn dyghow na kledh, ha rag may hirhaho y dhydhyow war y ruvaneth, ev ha'y vebyon, yn mysk Ysrael.

Dewteronomi 17:20 ပူးပေါင်းရင်းမြစ်များ

2 Samuel 22:23

Rag yth esa oll y vreusow ev a-dheragov, ha'y ordenansow ny dreylis vy dhiworta.

1 Myghternedh 11:34

Byttegyns ny gemmerav an wlaskor oll a'y leuv mes my a'n sett avel pennsevik oll dydhyow y vewnans, a-barth ow gwas Davydh, neb a dhewisis, neb a withas ow gorhemmynnow ha'm ordenansow;

1 Myghternedh 11:36

Mes dh'y vab my a re unn loeth, ma'n jevydh prest ow gwas Davydh lugarn a-ragov yn Yerusalem, an sita may tewisis vy gorra ow hanow ynni.

1 Myghternedh 15:3

Ev a gerdhas yn oll an peghosow re wrussa y das kyns; nyns o y golonn perfydh gans an Arloedh y Dhuw, par dell o kolonn y das Davydh.

1 Myghternedh 15:5

drefenn Davydh dhe wul an pyth o ewn yn golok an Arloedh ha ny dreylyas a-denewen a dravyth a worhemmynnis dydhyow oll y vewnans, marnas yn mater Uria an Hittyas.

1 Myghternedh 2:3

ha gwith charj an Arloedh dha Dhuw, dhe gerdhes yn y fordhow, dhe witha y ordenansow, y worhemmynnow, y vreusow, ha'y dhustuniow, dell yw skrifys yn lagha Moyses, may hylli seweni yn pup-tra a wredh, ha plepynag may treylydh;

2 Myghternedh 10:30

An Arloedh a leveris dhe Yehu, ‘Drefenn ty dhe wul yn ta dre gollenwel an pyth yw ewn y'm dewlagas, ha dhe dhyghtya chi Ahab herwydh pup-tra esa y'm kolonn, dha vebyon a'n peswora henedh a esedh war dron Ysrael.’

2 Myghternedh 14:10

Ty re weskis Edom, dhe wir, ha dha golonn re'th trehevis. Bydh lowen gans an glori ha gorta y'n chi; rag prag y fynnydh entra yn trobel ha koedha, ty ha Yuda genes?’

2 Kroniklys 25:19

Ty a lever, “Mir, my re fethas Edom”, ha'th kolonn re'th trehevis yn-bann yn balghder. Mes lemmyn gorta tre; prag y strivydh rag trobel ha dri terroes warnas ha war Yuda genes?’

2 Kroniklys 26:16

Mes pan ova gyllys krev, gyllys goethus o ynwedh, bys dh'y dhiswrians. Ev o dislen dhe'n Arloedh y Dhuw, hag yth entras yn tempel an Arloedh dhe leski ynkys war alter an ynkys.

2 Kroniklys 33:12

Pan o yn ahwer ev a bysis favour an Arloedh y Dhuw hag yth omuvelhas yn fen a-rag Duw y dasow.

2 Kroniklys 33:19

Y bysadow ha fatell dhegemmeras Duw y bledyans, oll y begh ha'y dhislelder, an tylleryow warnedha may trehevis tylleryow ughel ha drehevel an Asherim ha'n imajys gravys a-ragdha mayth omuvelhi, an re ma yw skrifys yn kovadhow an welesydhyon.

2 Kroniklys 33:23

Ny omuvelhas a-rag an Arloedh, dell omuvelhasa y das Manasse, mes an keth Amon ma a drespassas moy ha moy.

2 Kroniklys 34:27

drefenn bos dha golonn medhel ha drefenn ty dhe omuvelhe a-rag Duw pan glewsys y eryow erbynn an tyller ma ha'y drigoryon, hag omuvelhe a-ragov, ha skwardya dha dhillas hag oela a-ragov, my re'th klewas, a lever an Arloedh.

Salmow 119:102

Ny blynchis vy dhiworth dha vreusow, drefenn ty dhe dhyski dhymm.

Salmow 132:12

Mar kwra dha fleghes synsi ow hevambos, ha'm dustuniow a dhyskav dhedha, aga fleghes ynwedh bynitha a vydh esedhys war dha dron.’

Salmow 19:11

Dha was ynwedh yw gwarnys gansa; yma gober meur dhe'n re a wra aga synsi

Lavarow Koth 10:27

Own an Arloedh a hirha bewnans, mes blydhynyow an debeles a vydh berr.

Lavarow Koth 27:24

Rag ny bes tresor bys vykken, na ny bes kurun a henedh dhe henedh.

Ekklesiastes 8:13

Mes ny vydh da gans an drogoberer, na ny wra ev hirhe y dhydhyow avel skeus, drefenn na sev ow perthi own a-dherag Duw.

Ysay 2:12

Rag yma dhe Arloedh an luyow dydh erbynn pubonan yw goethus hag ughel, hag erbynn pubonan yw eksaltys, hag i a vydh uvelhes;

Habakkuk 2:4

Awotta, goethus yw an den nag yw y enev ewn ynno, mes an den gwiryon a vew der y lelder.

2 Korinthianys 12:7

ha dre gnas fest dibarow an diskwedhyansow. Rakhenna, ma na dheffen ha bos re woethus, y feu res dhymm dreynenn y'n kig, el Satnas, ma'm kronkya ma na ven re woethus.

Dewteronomi 12:25

Na dheber ev rag may fo yn ta dhis ha dhe'th vebyon war dha lergh, pan wredh an pyth yw ewn a-wel dhe'n Arloedh.

Dewteronomi 12:28

Gwayt obaya oll an geryow ma esov orth dha worhemmynna rag may fo yn ta dhis ha dhe'th vebyon war dha lergh bys vykken, pan wredh an pyth yw mas hag ewn a-wel dhe'n Arloedh dha Dhuw.

Dewteronomi 12:32

Gwaytyewgh gul pup-tra esov orth y worhemmynna dhywgh; na geworr dhodho, ha na gemmer dhiworto.

Dewteronomi 17:11

Ty a wra war-lergh an dyskans a dhyskons dhis, ha'n vreus a leverons dhis. Na dreyl a-denewen dhiworth an pyth a dherivons dhis, dyghow na kledh.

Dewteronomi 4:2

Na geworrewgh dhe'n ger esov ow korhemmynna dhywgh, ha na gemmerewgh dhe-ves anodho, dhe witha gorhemmynnow an Arloedh agas Duw esov ow korhemmynna dhywgh.

Dewteronomi 5:32

Gwaytyewgh gul ytho kepar dell worhemmynnis dhywgh an Arloedh agas Duw; na dreylyewgh dhe'n dyghow na dhe'n kledh.

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.

1 Peder 5:5

Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’

1 Samuel 10:25

Samuel a dherivas orth an bobel lagha an myghternsys, ha'y skrifa yn lyver, a worras a-rag an Arloedh. Ena Samuel a dhannvonas oll an bobel dhe-ves, peub dh'y dre y honan.

1 Samuel 15:23

Rag rebellyans yw avel pegh dewinieth, ha gorthter yw kepar ha kammweyth ha gordhyans idolys. Drefenn ty dhe skonya ger an Arloedh, ev ynwedh re'th skonyas a vones myghtern.’