Dewteronomi 17:19 - An Bibel Kernewek 20234 (Kernewek Kemmyn)

¹⁹ Y fydh ganso, hag ev a red ynno oll dydhyow y vewnans, rag may tysko dhe berthi own a'n Arloedh y Dhuw, dhe waytyas gul oll geryow a'n lagha ma, ha'n ordenansow ma,

Dewteronomi 17:19 ပူးပေါင်းရင်းမြစ်များ

2 Myghternedh 22:10

Ena Shafan an skrifwas a dherivas dhe'n myghtern ow leverel, ‘Hilkia an oferyas re ros lyver dhymm.’ Ha Shafan a'n lennas a-rag an myghtern.

Salmow 1:2

mes yma y dhelit yn lagha an Arloedh, hag yn y lagha y preder ev dydh ha nos.

Yowann 5:39

‘Hwi a hwila an skryptors, rag ynna y tybowgh hwi dhe gavoes bewnans heb diwedh. Hag i aga honan yw an re a dheg dustuni ahanav;

Dewteronomi 11:18

Settyewgh ow geryow ma war agas kolonn ha war agas enev, ha kelmewgh i avel tokyn war agas leuv, hag y fydhons soenelligow yntra dha dhewlagas.

Dewteronomi 4:10

an jydh may sevsys a-rag an Arloedh dha Dhuw orth Horeb, pan leveris dhymm an Arloedh, ‘Kuntell an bobel dhymm, may hwrylliv dhedha klewes ow geryow ha may tyskons perthi own ahanav oll an dydhyow esons ow pewa war an tir, ha'ga dyski dh'aga mebyon.’

Dewteronomi 4:9

Saw kemmer with, ha gwith dha enev gans rach, ma na ankeffi an taklow a welas dha dhewlagas, ha ma na dhibarthons dhiworth dha golonn der oll dydhyow dha vewnans; mes gwra aga dyski dhe'th vebyon, ha dhe vebyon dha vebyon:

Dewteronomi 5:1

Moyses a elwis dhe oll Ysrael ha leverel dhedha: Klew, A Ysrael, an ordenansow ha'n breusow esov ow kewsel yn agas diwskovarn hedhyw, rag ma's dyskowgh, ha'ga gwitha, ha'ga gul.

Yoshua 1:8

Ny dhiberth an lyver ma a'n lagha dhiworth dha anow, mes ty a ombreder warnodho dydh ha nos, rag may hwaytti gul war-lergh pup-tra yw skrifys ynno. Rag ena ty a wra dhe'th fordh spedya, hag ena y fydh dhis sewena.