Dewteronomi 17:17 - An Bibel Kernewek 20234 (Kernewek Kemmyn)

¹⁷ Na vedhes dhodho y honan benynes pals, ma na dreyl y golonn a-denewen; na kavoes dhodho y honan meur a arghans hag owr.

Dewteronomi 17:17 ပူးပေါင်းရင်းမြစ်များ

Jenesis 2:24

Ytho gour a vynn gasa y das ha'y vamm ha glena orth y wreg hag i a vydh unn kig.

2 Samuel 12:11

Yndellma y lever an Arloedh: Awotta, my a dhrehav drog warnas yn-mes a'th chi; ha my a gemmer dha wragedh dherag dha dhewlagas, ha'ga ri dhe'th kentrevek, hag ev a wrowedh gans dha wragedh yn golok an howl ma.

2 Samuel 5:13

Ha Davydh a gemmeras ragdho iswragedh ha gwragedh moy yn-mes a Yerusalem, wosa ev dhe dos dhiworth Hebron; ha mebyon ha myrghes moy a veu dineythys dhe Davydh.

1 Myghternedh 10:21

Oll lestri eva Solomon o gwrys yn owr, hag oll lestri Chi Koeswik Lebanon a veu a owr pur; nyns esa nagonan yn arghans – y feu reknys avel isel y dalvosogeth yn dydhyow Solomon.

1 Myghternedh 10:27

An myghtern a wrug arghans dhe vos mar gemmyn yn Yerusalem avel meyn, hag ev a wrug kederwydh mar bals avel sykaminwydh y'n Shefela.

1 Kroniklys 14:3

Davydh a gemmeras moy gwragedh yn Yerusalem, ha Davydh a dhineythis moy mebyon ha moy myrghes.

2 Kroniklys 1:15

An myghtern a wrug mayth o arghans hag owr mar gemmyn yn Yerusalem avel men, hag ev a wrug prenn keder mar gemmyn avel prenn sykamin y'n Shefela.

2 Kroniklys 11:21

Rehoboam a gara Maaka myrgh Absalom moy es dell gara ev y wragedh erell ha'y iswragedh. Ev a'n jevo etek gwreg ha tri-ugens iswreg, hag ev a dhineythis eth mab warn ugens ha tri-ugens myrgh.

Nehemia 13:26

A ny wrug Solomon myghtern Ysrael pegha drefenn benynes a'n par na? Yn mysk lies kenedhel nyns esa myghtern kepar hag ev, hag ev o gerys gans y Dhuw, ha Duw a'n gwrug myghtern dres oll Ysrael; mes ev ynwedh a veu gwrys dhe begha gans benynes estren.

Salmow 62:10

Na drestyewgh yn garowder, ha na fydhyewgh yn euver yn ladrans; mar moghha rychys, na worrewgh agas kolonn warnodho.

Lavarow Koth 31:3

Na ro dha nerth dhe venynes, na dha fordhow dhe'n pyth a dhiswra myghternedh.

Malaki 2:15

A ny's gwrug an unn Duw, kig ha spyrys? Ha pandr'a vynn an unn Duw marnas agh duwek? Rakhenna gwithewgh war agas spyrys, ha na vydh dislen orth gwreg dha yowynkneth.

Matthew 13:22

Ha'n dra hesys yn mysk spern, ev yw neb a glew an ger, mes fienasow an bys ha dynyans rychys a dag an ger hag ev ny dheg frut.

Matthew 19:5

ha leverel, “Rakhenna y hwra den gasa y das ha'y vamm ha glena orth y wreg ha'n dhew a dheu ha bos unn kig”?

Luk 12:15

Hag yn-medh ev dhedha, ‘Bedhewgh war, hag omwithewgh a bithneth oll, rag kyn fo palster dhe dhen, ny dheu y vewnans a'y bythow.’

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.

1 Timothi 6:9

An re a vynn bos rych a goedh yn temptasyon ha maglenn ha lies tebel-ewl gokki ha drog a wra dhe dus beudhi yn terroes ha diswrians.