Dewteronomi 16:19 - An Bibel Kernewek 20234 (Kernewek Kemmyn)

¹⁹ Na gammdreyl breus, na bleg dhe fas neb den, na gemmer falswober, rag falswober a dhall dewlagas an re fur ha treylya geryow an re wiryon.

Dewteronomi 16:19 ပူးပေါင်းရင်းမြစ်များ

Salmow 15:5

neb na ros y arghans yn oker, ha na gemmeras falswober erbynn an den gwiryon. Neb a wra an taklow ma ny vydh ow trebuchya bynitha.

Eksodus 18:21

Dhe voy, dewis gwer abel yn-mes a'n bobel oll, neb a berth own Dhuw, gwer a yllir aga threstya ha kas gansa falswober; ha gorr gwer a'n par ma a-ugh an bobel avel rewloryon a vilyow, a gansow, a hanter-kansow hag a dhegow.

Eksodus 23:2

Ny wredh holya lu dhe wul drokoleth; na ny wredh dustuni yn ken, ow treylya a-denewen war-lergh lu, rag kammdreylya gwirvreus;

Eksodus 23:3

na ny faverydh den boghosek yn y gen.

Lavarow Koth 15:27

Neb yw kraf war-lergh gwayn anewn a wra trobel rag y deylu, mes neb a gas falswobrow a vew.

Lavarow Koth 17:23

Tebelwas a dhegemmer falswober a'n askra, rag kammdreylya hynsyow gwirvreus.

Lavarow Koth 18:5

Nyns yw da diskwedhes faverans dhe debelwas, na herdhya den gwiryon dhe-ves dhiworth gwirvreus.

Lavarow Koth 24:23

Yma an re ma ynwedh dhe'n re fur. Nyns yw ragvreusi da.

Lavarow Koth 24:28

Na vydh dustunier erbynn dha gentrevek heb acheson, ha na gammled gans dha dhiwweus.

Lavarow Koth 31:5

poken i a yv hag ankevi an taklow a veu ordenys, hag a gammdreyl gwir an voghosogyon.

Ekklesiastes 7:7

Yn sur arwask a dreyl an den fur dhe dhen foll, ha ro a dhiswra an golonn.

Ysay 1:17

dyskewgh gul da, hwilewgh gwirvreus, ewnewgh an arwasker, rewgh gwirvreus dhe'n omdhivas, defendyewgh an wedhwes.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 33:15

An den a gerdh yn ewnder ha kewsel ewnhynseth, neb a dhenagh gwayn a arwask, neb a shak y dhiwleuv ma na synsons falswober, ha stoppya y skovarn ma na glewons a skoellya goes, ha degea y dhewlagas ma na welons drog –

Yeremia 5:28

Tevys tew yns, ha korfek. Nyns eus finweth dh'aga drog wriansow; ny vreusons gans gwirvreus ken an omdhivas, may sewenno; ha gwir an edhommogyon ny vreusons.

Ezekiel 18:8

mar ny wra presta rag oker, na kemmeres goroker, mar ny dreyl y leuv dhiworth kammhynseth, mes ev a wra gwirvreus yntra gour ha gour,

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Levitikus 19:15

Ny wrewgh kammhynseth y'n vreus. Ny wre'ta favera an boghosek, na gul revrons dhe'n den galloesek, mes ty a vreus dha gentrevek gans ewnder.

Mika 7:3

Aga diwla yw sleygh dhe wul drog; an penntern ha'n breusyas a wovynn falswober, an den galloesek a lever y vynnas, hag yndella brasa a wrons dh'y gowlwul.

Habakkuk 1:4

Rakhenna dinerth yw an lagha, ha ny a gwirvreus nevra yn-rag. Rag an tebelwas a omsett a-dro dhe'n den gwiryon; ytho kammvreus a yn-rag.

Oberow 10:34

Ha Peder a igoras y anow ha leverel, ‘Yn hwir, my a gonvedh na syns Duw denvyth a-ugh y gila,

Oberow 16:37

Mes yn-medh Powl dhedha, ‘I re'gan kastigas a-rag an bobel, heb agan bos dampnys, ha ni burjysi romanek, i a'gan tewlis yn prison. Ha lemmyn i a wra agan pellhe yn-dann gel? Ny wrons, devri, mes dens aga honan dh'agan dri yn-mes.’

Oberow 23:3

Ena Powl a leveris dhodho, ‘Duw a wra dha weskel tejy, ty fos wynnhes; a esedhydh jy orth ow preusi herwydh an lagha, hag erbynn an lagha ty a worhemmynn may fiv gweskys?’

Dewteronomi 10:17

Rag an Arloedh agas Duw yw Duw a'n duwow hag Arloedh a'n arlydhi, an Duw bras ha krev hag euthyk, nag eus dhodho faverans, ha na gemmer falswober;

Dewteronomi 16:18

Ty a re breusysi ha soedhogyon yn oll dha yetys a wra an Arloedh dha Dhuw aga ri dhis, dre dha loethow; hag i a vreus an bobel gans gwirvreus.

Dewteronomi 24:17

Na gammdreyl breus dhiworth alyon nag omdhivas, ha na gemmer dillas gwedhwes avel goestel.

Dewteronomi 27:19

‘Mollothek yw ev neb a dreyl dhe-ves gwirvreus dhiworth an alyon, an omdhivas, ha'n wedhwes.’ Ena oll an bobel a lever, ‘Amen.’

Dewteronomi 27:25

‘Mollothek yw ev neb a gemmer falswober dhe skoella goes gwiryon.’ Ena oll an bobel a lever, ‘Amen.’

1 Samuel 12:3

Ottavy; degewgh dustuni er ow fynn a-dherag an Arloedh hag a-dherag y untys. Dhe biw yw an ojyon re gemmeris? Po dhe biw yw an asen re gemmeris? Po piw yw re beu frowsys genev? Piw yw re beu arweskys genev? Po piw y kemmeris falswober dhiworth y leuv dhe gudha ow dewlagas ganso? Degewgh dustuni er ow fynn ha my a'n daskorr dhywgh.’

1 Samuel 8:1

Pan o Samuel koth, ev a apoyntyas y vebyon avel breusysi dres Ysrael.

1 Samuel 8:3

Mes ny gerdhi y vebyon yn y fordhow, mes i a dreylya a-denewen rag gwayn disonest, ha kemmeres falswobrow ha kamma gwirvreus.