Dewteronomi 16:18 - An Bibel Kernewek 20234 (Kernewek Kemmyn)

¹⁸ Ty a re breusysi ha soedhogyon yn oll dha yetys a wra an Arloedh dha Dhuw aga ri dhis, dre dha loethow; hag i a vreus an bobel gans gwirvreus.

Dewteronomi 16:18 ပူးပေါင်းရင်းမြစ်များ

1 Kroniklys 23:4

‘Peswar mil warn ugens anedha a'n jevydh charj a'n ober yn chi an ARLOEDH, hwegh mil a vydh soedhogyon ha breusysi,

1 Kroniklys 26:29

A'n Ysharysi: Kenania ha'y vebyon a veu apoyntys dhe dheverow tu a-ves rag Ysrael, avel soedhogyon ha breusysi.

Ezra 7:25

Ha ty, Ezra, herwydh furneth dha Dhuw, usi yn dha leuv, orden justisyow ha breusysi, a yll breusi oll an dus usi y'n rannvro Dres-an-Avon, oll an re a aswonn laghys dha Dhuw; ha dyskewgh neb na's aswonn.

Eksodus 18:21

Dhe voy, dewis gwer abel yn-mes a'n bobel oll, neb a berth own Dhuw, gwer a yllir aga threstya ha kas gansa falswober; ha gorr gwer a'n par ma a-ugh an bobel avel rewloryon a vilyow, a gansow, a hanter-kansow hag a dhegow.

Eksodus 21:22

Pan omladh gwer war-barth, ha shyndya benyn gans flogh, may hwra hi kammomdhoen, ha hwath ny siw dregynn vyth, neb a's shyndyas a vydh spalyes, herwydh an pris settys gans gour an venyn; hag ev a dal herwydh mynnas an vreusydhyon.

Eksodus 21:6

ena y vester a wra y dhri dhe Dhuw, hag ev a wra y dhri dhe'n daras po dhe'n post-daras; ha'y vester a wra telli y skovarn gans mynowes hag ev a wra y servya bys vykken.

Lavarow Koth 31:23

Hy gour yw aswonnys yn yetow an sita, pan esedh yn mysk henavogyon an tir.

Matthew 5:21

‘Hwi re glewas bos leverys dhe dus an termyn koth, Na ladh; ha piwpynag a lattho yma yn peryll a vreusyans.

Matthew 5:22

Mes my a lever dhywgh, Piwpynag a sorro orth y vroder heb ken dhe vos yn peryll a vreusyans, ha piwpynag a lavarro dh'y vroder, “Raka”, dhe vos yn peryll a'n Sanhedrin; mes piwpynag a lavarro, “Ty foll” dhe vos yn peryll a dan ifarn.

Dewteronomi 16:17

Pub gour a dhre ro kepar dell yll, war-lergh bennath an Arloedh dha Dhuw a ros dhis.

Dewteronomi 16:19

Na gammdreyl breus, na bleg dhe fas neb den, na gemmer falswober, rag falswober a dhall dewlagas an re fur ha treylya geryow an re wiryon.

Dewteronomi 17:12

An gour a lavas disobaya an oferyas neb a sev dhe venystra ena dhe'n Arloedh dha Dhuw, po an breusyas – an gour na a verow. Yndella ty a garth an drog dhiworth Ysrael.

Dewteronomi 17:9

Ty a dheu dhe'n oferysi leviek, ha dhe'n breusyas a serv y'n dydhyow na, ha govynn; hag i a dheriv dhis ervirans an vreus.

Dewteronomi 21:2

ena dha henavogyon ha'th vreusysi a yn-mes ha musura an pellder dhe'n trevow usi a-dro dhe'n den ledhys,

Dewteronomi 25:1

Mars eus dadhel yntra gwer, dens i dhe vreuslys hag i a re barn dhedha; ena i a akwit an den gwiryon ha dampnya an tebelwas.

1 Samuel 8:1

Pan o Samuel koth, ev a apoyntyas y vebyon avel breusysi dres Ysrael.