Dewteronomi 14:29 - An Bibel Kernewek 20234 (Kernewek Kemmyn)

²⁹ ha'n Levyas (na'n jeves kevrenn nag eretons genes), ha'n alyon, ha'n omdhivas, ha'n wedhwes usi y'th yetys a yll dos ha dybri ha bos lenwys, rag ma'th vennikko an Arloedh dha Dhuw yn pub lavur a'th leuv a wredh.

Dewteronomi 14:29 ပူးပေါင်းရင်းမြစ်များ

Salmow 41:1

Gwynnvys neb a wra vri a'n den gwann; an Arloedh a'n delirv yn dydh anken.

Salmow 41:2

An Arloedh a'n gwith hag a'n bewha; gwynnvys vydh ev war an nor. Ha ny'n delivrydh dhe vodh y eskerens.

Salmow 94:6

I a ladh an wedhwes ha'n alyon, ha moldra an re omdhivas.

Lavarow Koth 11:24

Unn den a re heb lett, ha devedhys yw hwath moy rych, onan arall a skon a ri hag a berth esow.

Lavarow Koth 19:17

Neb yw grassyes orth an voghosogyon a re kendon dhe'n Arloedh, hag ev a re dhodho attal y ober.

Ysay 1:17

dyskewgh gul da, hwilewgh gwirvreus, ewnewgh an arwasker, rewgh gwirvreus dhe'n omdhivas, defendyewgh an wedhwes.

Levitikus 19:34

An alyon trigys genowgh a vydh dhywgh kepar ha genesik yntredhowgh. Ty a'n kar kepar ha ty dha honan, rag hwi o alyons yn pow Ejyp. An Arloedh agas Duw ov vy.

Niverow 18:20

Ha'n Arloedh a leveris dhe Aron: Ny' fydh eretons yn aga thir, na ny' fydh rann vyth yntredha; my yw dha rann ha'th eretons yn mysk mebyon Ysrael.

Luk 11:41

Mes rewgh alusen a'n pyth usi war-ji, hag otta pup-tra a vydh glan dhywgh.

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Dewteronomi 10:9

Rakhenna ny veu dhe Levi rann nag eretons gans y vreder; an Arloedh yw y eretons kepar dell gewsis an Arloedh dha Dhuw dhodho.)

Dewteronomi 12:12

Hwi a lowenha a-rag an Arloedh agas Duw, hwi, ha'gas mebyon, ha'gas myrghes, ha'gas servysi, ha'gas maghtethyon, ha'n Levyas usi a-ji dh'agas yetys drefenn nag eus dhodho kevrenn nag eretons genowgh hwi.

Dewteronomi 14:27

Ha'n Levyas usi a-ji dhe'th yetys, ny wredh y forsakya, rag nyns eus dhodho kevrenn nag eretons genes.

Dewteronomi 15:10

Ty a re dhodho yn surredi, ha na vedhes dha golonn drok-pes pan redh dhodho; ena rag an dra ma, an Arloedh dha Dhuw a'th vennik yn oll dha ober hag yn pup-tra may hworrydh dha leuv warnodho.

Dewteronomi 16:11

Ty a lowenha a-rag an Arloedh dha Dhuw, ty, ha'th vab, ha'th vyrgh, ha'th was, ha'th vaghteth, ha'n Levyas usi y'th yetys, ha'n alyon, ha'n omdhivas, ha'n wedhwes usi yntredhowgh y'n tyller a wra an Arloedh dha Dhuw y dhewis, dhe wul dh'y hanow triga ena.

Dewteronomi 16:14

Lowenha y'th ty'goel, ty ha'th vab, ha'th vyrgh, ha'th was, ha'th vaghteth, ha'n Levyas, ha'n alyon, ha'n omdhivas, ha'n wedhwes usi y'th yetys.

Dewteronomi 23:21

Pan ambosydh ambos dhe'n Arloedh dha Dhuw, na wra delatya an termyn dh'y gollenwel: drefenn an Arloedh dha Dhuw a'n hwila dhiworthis yn surredi, hag y fydh dhis pegh.

Dewteronomi 28:8

An Arloedh a worhemmynn an vennath warnas ha war dha skiberyow ha war bup-tra may hworrydh dha leuv warnodho; hag ev a'th vennik y'n tir a wra an Arloedh dha Dhuw y ri dhis.

Dewteronomi 6:11

ha chiow leun a bup-tra da, na wrussys hwi aga lenwel, ha puthow palyes, na wrussys hwi aga falas, ha gwinlannow hag olewbrennyer, na wrussys hwi aga flansa: ena pan dhybrydh ha bos gwalghys,

Ebrowyon 13:2

Na ankevewgh wolkomma estrenyon, rag yndellma nebes re wolkommas eledh heb y wodhvos.

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.