Dewteronomi 14:23 - An Bibel Kernewek 20234 (Kernewek Kemmyn)

²³ Ty a dheber a-rag an Arloedh dha Dhuw, y'n tyller a wra y dhewis dhe wul dh'y hanow triga ena, dega dha ys, ha'th win ha'th olew, ha kynsa-genys dha jatel ha'th flokk, rag may tyski dhe berthi own a'n Arloedh dha Dhuw pub dydh oll.

Dewteronomi 14:23 ပူးပေါင်းရင်းမြစ်များ

Salmow 111:10

Own an Arloedh yw an dalleth a furneth; yma skians da dhe oll an re a wra hemma; y wormola a dhur bys vykken.

Salmow 147:11

Mes an Arloedh a gemmer plesour y'n re a'n own, y'n re a fydh yn y dregeredh.

Salmow 2:11

Servyewgh an Arloedh gans own, ha lowenhewgh gans krena.

Ysay 8:13

Hwi a sansha Arloedh an luyow, ev yw agas euth, hag ev yw neb a'gas ownekha,

Yeremia 32:38

I a vydh ow fobel, ha my a vydh aga Duw.

Niverow 15:20

Hwi a dhrehav an frut a'gas toes, tesenn rond, avel offrynn drehevys; kepar hag offrynn drehevys a'n leur-drushya, yndella hwi a's drehav.

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 12:14

Unnsel y'n tyller a dhewis an Arloedh yn onan a'th loethow, ena ty a offrynn dha offrynnow leskys. Ena ty a wra pup-tra esov orth y worhemmynna dhis.

Dewteronomi 4:10

an jydh may sevsys a-rag an Arloedh dha Dhuw orth Horeb, pan leveris dhymm an Arloedh, ‘Kuntell an bobel dhymm, may hwrylliv dhedha klewes ow geryow ha may tyskons perthi own ahanav oll an dydhyow esons ow pewa war an tir, ha'ga dyski dh'aga mebyon.’