Dewteronomi 13:3 - An Bibel Kernewek 20234 (Kernewek Kemmyn)

³ na woslow orth geryow an profoes na, nag orth an hunroser na a hunrosow, rag an Arloedh agas Duw a wra agas previ, dhe wodhvos mar kerowgh an Arloedh agas Duw gans oll agas kolonn ha gans oll agas enev.

Dewteronomi 13:3 ပူးပေါင်းရင်းမြစ်များ

1 Myghternedh 13:19

Ena gour Duw a dhehwelis ganso, ha dybri boes hag eva dowr yn y ji.

Salmow 119:2

Gwynnvys an re a with y dhustuniow, hag a'n hwila ev a leun golonn;

Salmow 66:10

Rag ty, A Dhuw, re'gan provas; ty re'gan assayas, dell yw arghans assayys.

Salmow 81:7

Ty a elwis yn anken ha my a'th telivras; my a worthybis dhis yn keladow an daran; my a'th provas orth dowrow Meriba. Sela.

Eksodus 20:20

Ha Moyses a leveris dhe'n bobel, ‘Na berthewgh own; rag Duw yw devedhys dh'agas previ, ha may fo an own anodho a-rag agas dewlagas, ha ma na begghowgh.’

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

Oberow 17:11

ha'n dus ma o gwell yn aga gnas ages an re na yn Thessalonika, rag i a dhegemmeras an ger gans mall meur, ow hwithra an skryptors pub dydh, dhe weles mar pe gwir an taklow ma.

1 Korinthianys 11:19

Rag y telledh bos eresys yntredhowgh may fons aswonnys an re yntredhowgh yw gwiryon.

2 Korinthianys 8:8

Ny lavarav hemma avel arghadow, mes yth esov vy ow previ gwiryonsys agas kerensa dre dhiwysygneth re erell.

Efesianys 4:14

ma na ven namoy fleghes, tewlys gans mordonnow ha degys a-dro gans pub gwyns a dhyskas, dre sotelneth tus, yn sleyghneth bys y'n felder a doell.

Dewteronomi 6:5

ty a gar an Arloedh dha Dhuw gans oll dha golonn, ha gans oll dha enev, ha gans oll dha nerth.

Dewteronomi 8:16

neb a ros dhis manna dhe dhybri y'n gwylvos na aswonnis dha dasow, rag dha uvelhe, ha rag ma'th proffa, dhe wruthyl dader dhis wortiwedh.

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.

2 Thessalonianys 2:11

Ha rakhenna Duw a dhannvon dhedha kammdybyans krev, may kryssons an gow,

1 Yowann 2:19

I eth yn-mes a-dhiworthyn, mes ahanan nyns esens; rag mar pens i ahanan, y pessens genen; mes i eth yn-mes, rag may fo diskwedhys nag esens i oll dhiworthyn ni.

1 Yowann 4:1

Hwi garadowyon, na grysewgh dhe bub spyrys, mes prevewgh an spyrysyon, mars esons i a Dhuw: rag gallas fals profoesi bals yn-mes dhe'n bys.

1 Yowann 4:4

A Dhuw yth esowgh hwi, A fleghigyow, ha hwi re's fethas: drefenn bos ynnowgh neb yw brassa ages neb usi y'n bys.

Diskwedhyans 13:14

Hag ev a doell an drigoryon war an bys der an toknys a veu res dhodho dhe wul a-dherag an best; ow leverel dhe'n re a drig war an bys may hwrellens imaj dhe'n best a veu goliys der an kledha hag a vewa.

Breusysi 2:22

rag may preffiv Ysrael dredha, a wrens i gwitha fordh an Arloedh ow kerdhes ynni, kepar dell y's gwitha aga thasow, po na wrens.’

1 Samuel 26:19

Lemmyn ytho, my a'th pys, klewes ow arloedh an myghtern geryow y was. Mars yw an Arloedh neb re ynnias warnas er ow fynn, re vlasso offrynn; mes mars yw mebyon den, bedhens milliges dherag an Arloedh, rag i re'm chasyas yn-mes y'n jydh hedhyw ma na gaffen ow rann yn eretons an Arloedh, ow leverel, “Ke, serv duwow erell.”