Dewteronomi 12:32 - An Bibel Kernewek 20234 (Kernewek Kemmyn)

³² Gwaytyewgh gul pup-tra esov orth y worhemmynna dhywgh; na geworr dhodho, ha na gemmer dhiworto.

Dewteronomi 12:32 ပူးပေါင်းရင်းမြစ်များ

2 Myghternedh 17:37

Gwaytyewgh gwitha an ordenansow, an breusow, an laghys, ha'n gorhemmynnow a skrifas ev ragowgh. Ny wordhewgh duwow erell.

Lavarow Koth 30:6

Na geworr travyth dh'y eryow, poken ev a'th keredh ha ty a vydh prevys gowek.

Ezekiel 44:5

An Arloedh a leveris dhymm: Mab den, gwra attendya, ha mir gans dha dhewlagas ha klew gans dha dhiwskovarn ha my a gews dhis a-dro dhe oll ordenansow tempel an Arloedh, hag oll y laghys; ha merk yn ta entrans an tempel, hag oll an fordhow yn-mes a'n sentri.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Dewteronomi 13:18

drefenn ty dhe woslowes lev an Arloedh dha Dhuw, dhe witha oll y worhemmynnow esov ow korhemmynna dhis hedhyw, dhe wul an pyth yw ewn a-wel dhe'n Arloedh dha Dhuw.

Dewteronomi 19:9

mar kwithydh oll an gorhemmynn ma esov ow korhemmynna dhis hedhyw, orth y wul, dhe gara an Arloedh dha Dhuw, dhe gerdhes yn y fordhow pup-prys; ena ty a geworr ragos ken teyr thre war an teyr ma,

Dewteronomi 4:2

Na geworrewgh dhe'n ger esov ow korhemmynna dhywgh, ha na gemmerewgh dhe-ves anodho, dhe witha gorhemmynnow an Arloedh agas Duw esov ow korhemmynna dhywgh.

Yoshua 1:7

Mes bydh krev ha bydh pur golonnek, ow kwaytyas gul war-lergh oll an lagha a erghis Moyses ow gwas dhis; na dreyl dhiworti dhe'n barth dhyghow na dhe'n barth kledh, rag bos sewena dhis plepynag yth edh.