Dewteronomi 12:23 - An Bibel Kernewek 20234 (Kernewek Kemmyn)

²³ Saw bydh sur na dhybrydh an goes, rag an goes yw an enev, ha ny dhybrydh an enev gans an kig.

Dewteronomi 12:23 ပူးပေါင်းရင်းမြစ်များ

Jenesis 9:4

Mes kig hag ynno y vewnans, henn yw y woes, ny wrewgh y dhybri.

Ezekiel 33:25

Rakhenna, lavar dhedha, Yndellma y lever an Arloedh Duw: Hwi a dheber kig gans an goes, ha drehevel agas dewlagas dh'agas idolys, ha skoellya goes. A eritowgh an tir?

Levitikus 17:10

Ha piwpynag a ji Ysrael po a'n alyons trigys yn agas mysk a dheppro goes a neb sort, my a sett ow fas erbynn an den na a dheber goes, ha my a'n tregh dhe-ves dhiworth y bobel.

Levitikus 17:11

Rag yma bewnans an kig y'n goes, ha my re'n ros dhywgh war an alter dhe wul dehwelyans rag agas enevow; rag an goes a wra dehwelyans rag an enev.

Levitikus 19:26

Ny wrewgh hwi dybri travyth gans goes. Ny wrewgh hwi dewinieth na koela orth koelyek.

Levitikus 7:26

Ny wrewgh hwi dybri goes vyth yn oll agas trigvaow, naneyl a edhen nag a vest.

Matthew 20:28

kepar dell na dheuth Mab an den dhe vos servys mes dhe servya, ha dhe ri y vewnans avel daspren rag lies.’

Oberow 15:20

mes may skriffyn dhedha i dhe goheles defolansow idolys, ha dijastita, ha kig tegys, ha goes.

Dewteronomi 12:16

Saw unnsel an goes ny dhebrowgh; hwi a'n dinwa war an tir avel dowr.

Dewteronomi 12:22

Kepar dell yw dybrys an ewik ha'n karow, yndella ty a'n deber; kekeffrys an avlan ha'n glan a yll y dhybri.

Dewteronomi 12:24

Na wra y dhybri; ty a'n dinwa war an leur avel dowr.

Dewteronomi 15:23

Saw y woes ny dhybrydh; ty a'n dinwa war an gweres avel dowr.

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;

1 Samuel 14:32

ha'n bobel a stevyas yn-nans ow skrija war an preydh, ha kemmeres deves hag oghen ha leughi, ha'ga ladha war an dor; ha'n bobel a's dybris gans an goes.

1 Samuel 14:33

Ena yth o derivys dhe Sowl, ‘Ottomma an bobel ow pegha erbynn an Arloedh dre dhybri gans an goes.’ Hag ev a leveris, ‘Hwi re dorras fydh; rolyewgh men bras omma dhymm y'n jydh ma.’