Dewteronomi 12:18 - An Bibel Kernewek 20234 (Kernewek Kemmyn)

¹⁸ Ty a'n deber a-rag an Arloedh dha Dhuw, y'n tyller a wra an Arloedh dha Dhuw y dhewis, ty ha'th vab ha'th vyrgh, ha'th was ha'th vaghteth, ha'n Levyas usi a-berth y'th yetys; ha hwi a lowenha a-rag an Arloedh dha Dhuw yn pup-tra may hworrydh dha leuv warnodho.

Dewteronomi 12:18 ပူးပေါင်းရင်းမြစ်များ

Salmow 32:11

Lowenhewgh y'n Arloedh, ha bedhewgh heudhik, hwi an re wiryon, germewgh yn lowen, oll hwi yw ewnhynsek agas kolonn.

Salmow 68:3

Mes lowenhes an re wiryon; bedhens heudhik a-dherag Duw; ha bedhens leun a joy.

Lavarow Koth 3:17

Hy fordhow yw fordhow a hwekter, hag oll hy hynsyow yw kres.

Ekklesiastes 3:12

My re wodhva nag eus travyth da rag mebyon den marnas bos heudhik ha gul da hedre vons bew,

Ekklesiastes 5:18

My re welas ow honan pandr'yw gwiw ha teg rag mebyon den dh'y wul – dhe dhybri hag eva ha lowenhe yn aga ober kales a wrons i dhe oberi yn-dann an howl, dres an nebes dydhyow a'ga bewnans re ros Duw dhedha, rag hemm yw aga rann.

Ysay 12:3

Hwi a denn dowr gans lowena dhiworth an fentynyow a selwyans.

Oberow 16:34

Ev a's dros yn-bann dh'y ji ha gorra boes a-dheragdha, hag ev hag oll y vayni a lowenhas y tothya ev ha bos kryjyk yn Duw.

Oberow 2:46

Ha pub dydh oll ow pesya yn tiwysyk ha keskolonn y'n tempel, hag ow terri bara yn aga chiow, i a gevrenna boes, heudh ha sempel aga holonnow,

1 Korinthianys 10:31

Ytho, po dybri po eva a wrewgh, po pypynag a wrewgh, pup-tra dhe wordhyans Duw gwrewgh.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Dewteronomi 12:14

Unnsel y'n tyller a dhewis an Arloedh yn onan a'th loethow, ena ty a offrynn dha offrynnow leskys. Ena ty a wra pup-tra esov orth y worhemmynna dhis.

Dewteronomi 12:19

Gwayt na forsakydh an Levyas hedre vewi war dha dir.

Dewteronomi 12:5

Mes hwi a hwila an tyller a wra an Arloedh agas Duw y dhewis dhiworth oll agas loethow, dhe worra y hanow ena rag y drigva; ha ty a dheu di.

Dewteronomi 12:7

hag ena hwi a dheber a-rag an Arloedh agas Duw, ha lowenhe yn pup-tra may hworrowgh agas leuv warnodho, hwi ha'gas tiogethyow, may hwrug an Arloedh dha Dhuw dha venniga dredho.

Dewteronomi 14:23

Ty a dheber a-rag an Arloedh dha Dhuw, y'n tyller a wra y dhewis dhe wul dh'y hanow triga ena, dega dha ys, ha'th win ha'th olew, ha kynsa-genys dha jatel ha'th flokk, rag may tyski dhe berthi own a'n Arloedh dha Dhuw pub dydh oll.

Dewteronomi 15:20

Ty a'n deber a-rag an Arloedh dha Dhuw blydhen wosa blydhen y'n tyller a wra an Arloedh y dhewis, ty ha'th teylu.

1 Samuel 1:4

Y'n jydh mayth offrynna Elkana, ev a ri rannow dhe Peninna y wreg ha dhe oll hy mebyon ha'y vyrgh;