Dewteronomi 11:30 - An Bibel Kernewek 20234 (Kernewek Kemmyn)

³⁰ A nyns esons i dres an Yordan, a'n west dhe'n fordh troha'n howlsedhes, yn tiredh an Kananysi usi trigys y'n Araba, a-dal Gilgal ryb derwenn More?

Dewteronomi 11:30 ပူးပေါင်းရင်းမြစ်များ

Jenesis 12:6

Hag Abram a dremenas der an tir bys y'n tyller Shekem, bys yn derwenn More. Hag yth esa an Kananysi y'n pow y'n termyn na.

Nehemia 12:29

ynwedh dhiworth Beth-gilgal ha dhiworth ranndir Geba hag Azmaveth; rag an ganoryon re dhrehevsa trevow ragdha aga honan a-dro dhe Yerusalem.

Yoshua 4:19

An bobel eth yn-bann dhiworth an Yordan yn degves dydh an kynsa mis, ha kampya yn Gilgal y'n tiredh a'n howldrevel dhe Yeriko;

Yoshua 5:9

An Arloedh a leveris dhe Yoshua, ‘Hedhyw my re rolyas meth Ejyp dhiworthowgh.’ Ytho an tyller na re beu henwys Gilgal bys y'n jydh ma.

Breusysi 7:1

Ena Yerubbaal (henn yw Gideon) hag oll an bobel esa ganso a sevis yn-bann a-varr hag a gampyas ryb fenten Harod; hag yth esa kamp Midyan a'n gledhbarth dhedha, ryb bre More, y'n nans.

Breusysi 9:7

Pan veu henna derivys dhe Yotham, ev eth hag a sevis war warthav menydh Gerizim, hag a grias yn ughel hag a leveris dhedha, ‘Goslowewgh orthiv, hwi arlydhi Shekem, rag may hwoslowo Duw orthowgh.