Dewteronomi 11:17 - An Bibel Kernewek 20234 (Kernewek Kemmyn)

¹⁷ hag ena sorr an Arloedh a dhew er agas pynn, hag ev a dhege an ebron ha ny vydh glaw, ha ny dhre an tir y askorr, ha hwi a verow yn skon dhiwar an tir da usi an Arloedh ow ri dhywgh.

Dewteronomi 11:17 ပူးပေါင်းရင်းမြစ်များ

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 8:35

‘Pan vydh nev deges ha nyns eus glaw drefenn i dhe begha er dha bynn, hag ena i a bys war-tu ha'n tyller ma, gormel dha hanow, ha treylya dhiworth aga fegh, drefenn ty dh'aga hessydhya,

2 Kroniklys 6:26

‘Pan vydh nev deges ha nyns eus glaw, drefenn i dhe begha er dha bynn, hag ena i a bys war-tu ha'n tyller ma, gormel dha hanow, ha treylya dhiworth aga fegh, drefenn ty dh'aga hessydhya,

2 Kroniklys 7:13

Pan dhegeav an nevow bys ma nag eus glaw, po gorhemmynn dhe'n lokust may tevorryo an tir, po dhannvon kleves ynter ow fobel,

Job 12:15

Mar skon ev an dowrow, i a sygh; mar kwra ev aga dyllo, i a fenn an tir.

Levitikus 26:19

Ha my a derr goeth agas nerth, ha my a wra agas nev avel horn ha'gas dor avel brons.

Levitikus 26:20

Agas nerth a vydh spenys yn euver rag ny re agas tir y drevas, na ny re gwydh an tir aga frut.

Amos 4:7

Hag ynwedh my a skonyas a ri dhywgh an glaw, ha tri mis hwath gesys kyns an drevas; ha my a wrug glaw dhe goedha war unn sita ha ny wrugavy glaw dhe goedha war sita arall; war unn park glaw a goedh, ha'n park na gavas glaw a wedhras;

Dewteronomi 31:20

Rag wosa my dh'aga dri dhe'n tir a des dh'aga thasow, a dhinwa leth ha mel, hag i a dheber ha bos gwalghys, ha tew, ena i a dreyl dhe dhuwow erell ha'ga servya; i a'm dispres, ha terri ow hevambos.

Dewteronomi 4:26

my a elow nev ha nor hedhyw dhe dhoen dustuni er agas pynn, hwi dhe vos dhe goll dhiworth an tir mayth esowgh ow treusi an Yordan di dh'y erita. Ny hirhowgh agas dydhyow warnodho, mes y fydhowgh distruys sur.

Dewteronomi 6:15

(rag Duw avius yw an Arloedh dha Dhuw yn agas mysk), ma na dhewo sorr an Arloedh dha Dhuw er dha bynn ha'th tistrui a-dhiwar enep an tir.

Dewteronomi 9:19

Rag my a borthas own a'n sorr ha'n gonnar may fernewis an Arloedh gansa er agas pynn, dh'agas distrui. Mes an Arloedh a woslowas orthiv y'n eur na ynwedh.