Dewteronomi 10:22 - An Bibel Kernewek 20234 (Kernewek Kemmyn)

²² Dha dasow eth yn-nans dhe Ejyp, deg ha tri-ugens enev; ha lemmyn an Arloedh dha Dhuw a'th settyas avel an ster a nev yn palster.

Dewteronomi 10:22 ပူးပေါင်းရင်းမြစ်များ

Jenesis 15:5

Hag ev a'n dros mes a-ji ha leverel, ‘Mir lemmyn troha'n nev ha reken niver an ster, mar kyllydh aga nivera.’ Hag yn-medh ev dhodho, ‘Yndella y fydh dha has.’

Jenesis 22:17

my a wra dha venniga yn surredi, ha kressya dha has kepar ha ster an nevow ha kepar ha'n tewes war dreth an mor, ha'th has a wra erita yet y eskerens.

Jenesis 46:26

Oll an enevow ow tos gans Yakob dhe Ejyp, an re a dheuth yn-mes a'y dhiwglun ev, heb nivera gwragedh mebyon Yakob, o hwegh ha tri-ugens enev.

Jenesis 46:27

Ha mebyon Yosep a veu dineythys dhodho yn Ejyp a veu dew enev. Oll an enevow a ji Yakob a dheuth dhe Ejyp a veu deg ha tri-ugens.

Nehemia 9:23

Ty a gressyas aga mebyon avel ster an nev, ha'ga dri a-ji dhe'n tir a leversys dh'aga thasow dh'y entra ha dh'y erita.

Eksodus 1:5

Hag oll an enevow ow tos a vordhos Yakob a veu deg den ha tri-ugens; ha Yosep, yth esa ev yn Ejyp.

Niverow 26:51

An re ma yw an re niverys a vebyon Ysrael, hwegh kans hag onan a vilyow, seyth kans, deg warn ugens.

Niverow 26:62

Ha'n re anedha niverys o tri mil warn ugens, pub gorreydh a unn mis y oes ha moy; rag ny vons niverys yn mysk mebyon Ysrael, drefenn na veu res eretons dhedha yn mysk mebyon Ysrael.

Oberow 7:14

Ena Yosep a dhannvonas ha gelwel Yakob y das ha'y neshevin oll, pymthek enev ha tri-ugens.

Dewteronomi 1:10

an Arloedh agas Duw re'gas kressyas, hag ottahwi hedhyw avel ster an nev yn palster.

Dewteronomi 1:11

Re'gas kressyo an Arloedh, Duw a'gas tasow, milblek moy es dell owgh, ha'gas benniga kepar dell gewsis dhywgh.

Dewteronomi 26:5

Ena ty a worthyp ha leverel a-rag an Arloedh dha Dhuw, ‘Aramean gwandrek o ow thas, hag ev eth yn-nans dhe Ejyp ha godriga ena gans boghes tus hag ena mos ha bos kenedhel vras, krev ha niverus.

Dewteronomi 28:62

Hwi a vydh gesys boghes agas niver, kynth ewgh kyns avel ster nev yn niver, drefenn na woslewsys lev an Arloedh dha Dhuw.

Ebrowyon 11:12

Hag yndellma dhiworth unn den, hag ev kepar hag onan marow, y feu genys diyskynnysi avel ster an nev orth niver, ha diniver avel tewes an morrep.