Dewteronomi 1:7 - An Bibel Kernewek 20234 (Kernewek Kemmyn)

⁷ Treylyewgh ha mos yn-kerdh ha dewgh dhe venydh an Amorysi, dhe oll aga hentrevogyon y'n Araba, y'n menydh hag y'n Shefela, hag y'n Negeb hag y'n arvor, tir an Kananysi, ha Lebanon, bys an avon veur, an avon Ewfrates.

Dewteronomi 1:7 ပူးပေါင်းရင်းမြစ်များ

Jenesis 12:9

Hag Abram a omdennas hag eth yn-rag troha'n Negeb.

2 Samuel 8:3

Davydh ynwedh a weskis Hadadezer mab Rehob, myghtern Soba, pan esa ow mos dhe dhaskavoes y vaystri ryb an avon Ewfrates.

1 Kroniklys 18:3

Davydh a weskis Hadadezer myghtern Soba Hamath, pan esa ow mos dhe fastya y vaystri ryb an avon Ewfrates.

1 Kroniklys 27:29

War an greow a beuri yn Sharon yth esa Shitray an Sharonyas; ha war an greow y'n nansow yth esa Shafat, mab Adlay.

1 Kroniklys 5:9

Troha'n est yth esens trigys ynwedh bys amal an difeyth a ystynn dhiworth an avon Ewfrates drefenn aga chatel dhe gressya yn pow Gilead.

Eksodus 23:31

Ha my a wra settya dha oryon a'n Mor Rudh dhe vor an Filistysi, hag a'n gwylvos dhe'n Ewfrates; rag my a re annedhysi an tir yn agas dorn, ha ty a wra aga fesya a-ragos.

Amos 2:9

Byttegyns my a dhistruis an Amoryas a-dheragdha may feu y ughelder kepar hag ughelder an kederwydh, hag ev maga krev avel derow; distrui a wrug vy y frut a-vann ha'y wreydh a-woeles.

Niverow 10:12

Ha mebyon Ysrael eth yn yn-rag yn kerdhow berr yn-mes a wylvos Sinay; ha'n gommolenn a sevis stag yn gwylvos Paran.

Dewteronomi 1:19

Ena ni a omdennas dhiworth Horeb ha mos der oll an difeythtir bras hag euthyk a welsowgh, war an fordh dhe venydh an Amorysi, kepar dell worhemmynnis an Arloedh agan Duw dhyn; ha ni a dheuth bys yn Kadesh-barnea.

Dewteronomi 11:11

Mes an tir mayth esos ow treusi di dh'y erita yw tiredh menydhyow ha nansow a yv dowr dhiworth glaw nev;

Dewteronomi 11:24

Pub le may trett agas godhen warnodho a vydh dhywgh: dhiworth an gwylvos ha Lebanon, dhiworth an avon, an avon Ewfrates, bys yn mor an howlsedhes, y fydh agas or.

Yoshua 1:4

A'n gwylvos ha'n Lebanon ma bys y'n avon vras, an avon Ewfrates, oll tir an Hyttysi bys y'n mor bras y'n howlsedhes a vydh agas tiredh.

Yoshua 10:40

Ytho Yoshua a weskis oll tir an vro venydhyek, an Negeb, an Shefela ha'n ledrow hag oll aga myghternedh; ny asas dhe vos gesys denvyth. Ev sakras dhe dhistruyans pup-tra a anellas, dell worhemmynnis an Arloedh, Duw Ysrael.

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’

Yoshua 9:1

Lemmyn pan glewas oll an vyghternedh esa a'n howlsedhes dhe'n Yordan y'n vro venydhyek hag y'n Shefela ha ryb oll arvor an Mor Bras war-tu ha Lebanon – an Hittysi, an Amorysi, an Kananysi, an Perizzysi, an Hivysi, ha'n Yebusysi,

Diskwedhyans 9:14

ow leverel dhe'n hweghves el ha ganso an hirgorn, ‘Lows an peswar el yw kelmys war an avon veur Ewfrates.’