Dewteronomi 1:28 - An Bibel Kernewek 20234 (Kernewek Kemmyn)

²⁸ Ple'th en ni yn-bann? Agan breder re wrug dh'agan kolonn teudhi, ow leverel, “Pobel vrassa ha hirra ageson yns; aga sitys yw bras ha kerys bys y'n ebron, hag ynwedh ni a welas mebyon an Anakim ena.” ’

Dewteronomi 1:28 ပူးပေါင်းရင်းမြစ်များ

Jenesis 11:4

Hag yn-medhons i, ‘Dewgh, gwren ni drehevel sita ha tour, ha'y benn y'n nevow; ha gwren gul hanow ragon, rag own ni dhe vos skattrys a-les war enep oll an nor.’

Eksodus 15:15

Lemmyn pennternedh Edom yw dyegrys; ledyoryon Moab yw dalghennys yn kren; oll annedhysi Kanan re deudhis dhe-ves;

Ysay 13:7

Rakhenna pub leuv a vydh gwann, ha'n golonn a bub den a deudh.

Ezekiel 21:7

Ha pan leverons dhis, ‘Prag yth esos ow hanasa?’ ty a lever, ‘Rag an nowodhow yw devedhys. Pub kolonn a deudh, ha pub leuv a vydh ydhil; pub spyrys a glamder, ha pub glin a dreyl dhe dhowr. Otta, hemma a dheu hag a hwyrvydh’, yn-medh an Arloedh Duw.

Dewteronomi 1:29

Ha my a leveris dhywgh, ‘Na berthewgh euth nag own anedha.

Dewteronomi 2:10

(An Emim esa trigys ynni kyns, pobel vras, lies ha hir avel an Anakim.

Dewteronomi 20:20

Saw gwydhenn a wodhes nag yw gwydhenn boes, honna y hyllydh distrui ha treghi rag drehevel tommenn erbynn an dre a woestel bel er dha bynn, bys pan goettho.

Dewteronomi 20:8

Ena an soedhogyon a gews dhe'n bobel arta ha leverel, ‘Eus gour a berth own ha digolonnek yw? Es ev ha dehweles dh'y ji, ma na wrello dhe golonn y vreder teudhi kepar ha'y golonn ev.’

Dewteronomi 7:17

Mar leverri y'th kolonn, ‘An kenedhlow ma yw brassa agesov; fatell allav vy erita aga thiredh?’ –

Yoshua 11:22

Nyns esa gesys an Anakim yn tir an Ysraelysi, mes nebes a veu gesys yn Gaza, yn Gath, hag yn Ashdod.

Yoshua 14:8

Byttegyns ow breder eth yn-bann genev a wrug kolonn an dus teudhi yn own; mes my a besyas len dhe'n Arloedh ow Duw.

Yoshua 15:14

Ha Kaleb a fesyas alena tri mab Anak: Sheshay, Ahiman, ha Talmay, fleghes Anak.

Yoshua 2:11

Ni a glewas, ha'gan kolonn a deudhis, ha nyns esa spyrys gesys yn denvyth a'gas govis; rag an Arloedh agas Duw yw Duw yn nev a-vann ha war an nor a-woeles.

Yoshua 2:24

Yn-medhons dhe Yoshua, ‘Yn hwir an Arloedh re ros yn agan diwla oll an tir; hag oll annedhysi an tir re deudhis yn own a-dheragon.’

Yoshua 2:9

hag yn-medh hi dhe'n wer: ‘My a woer an Arloedh dhe ri dhywgh an tir; euth ahanowgh re goedhas warnan hag oll trigoryon an tir re deudhis yn own a-ragowgh.

Breusysi 1:10

Yuda eth erbynn an Kananysi trigys yn Hebron (hanow Hebron o Kiryath-arba seuladhydh); hag i a weskis Sheshay, Ahiman ha Talmay.

Breusysi 1:20

I a ros Hebron dhe Kaleb, kepar dell lavarsa Moyses, hag ev a jasyas dhe-ves an tri mab a Anak.