Daniel 9:24 - An Bibel Kernewek 20234 (Kernewek Kemmyn)

²⁴ ‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Daniel 9:24 ပူးပေါင်းရင်းမြစ်များ

2 Kroniklys 29:24

An oferysi a's ladhas hag a wrug offrynn gans aga goes war an alter, rag gul dehwelyans a-barth oll Ysrael. Rag an myghtern a worhemmynnis may hwreller an offrynn leskys ha'n offrynn pegh a-barth oll Ysrael.

Salmow 2:6

‘My re worras ow myghtern war Sion, ow menydh sans.’

Salmow 45:7

Ty a garas ewnder ha kasa sherewneth. Rakhenna Duw, dha Dhuw jy, re'th untyas gans oyl lowender a-ugh dha gowetha.

Ysay 42:4

Ny fyll na ny vydh ev digolonnek, bys pan fastyo gwirvreus y'n norvys; ha'n arvoryow a worta y lagha.

Ysay 51:6

Drehevewgh agas dewlagas war-vann dhe'n nevow ha mirewgh orth an nor a-woeles; rag an nevow a deudh dhe-ves avel mog, an nor a vydh usys avel kweth, ha'n re usi trigys warnodho a verow avel gwibes; mes ow selwyans a vydh bys vykken, ha ny vydh diwedh dhe'm ewnder.

Ysay 51:8

Rag an goedhan a wra aga dybri avel kweth, ha'n pryv a wra aga dybri avel gwlan; mes ow ewnder a vydh heb diwedh, ha'm selwyans a unn henedh dhe'n nessa.

Ysay 56:1

Yndellma y lever an Arloedh: Gwithewgh gwirvreus ha gwrewgh ewnder, rag ow selwyans a dheu a verr spys ha'm ewnder a vydh diskudhys.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Kynvannow 4:22

Kowlwrys yw kessydhyans dha sherewneth, a vyrgh Sion, ny wra ev dha witha yn divroedh na fella; ev re wrug dha gessydhya drefenn dha sherewneth, a vyrgh Edom, ha diskudha dha beghosow.

Ezekiel 28:12

Mab den, drehav galargan war vyghtern Tyr, ha lavar dhodho, Yndellma y lever an Arloedh Duw: Ty o an sel a berfydhder, leun a furneth, perfydh yn tekter.

Ezekiel 4:5

My re ros dhis an keth niver a dhydhyow avel blydhynyow aga anewnder, tri hans, deg ha peswar-ugens dydh. Yndella ty a berth anewnder chi Ysrael.

Ezekiel 4:6

Wosa kowlwul hemma, ty a wrowedh arta, mes war dha denewen dyghow, ha ty a berth anewnder chi Yuda dew-ugens dydh. Dydh rag pub blydhen a rov dhis.

Levitikus 25:8

Ha ty a reken ragos seyth sabot a vlydhynyow, seythgweyth seyth blydhen; ha termyn seyth sabot a vlydhynyow a vydh ragos naw blydhen ha dew-ugens.

Levitikus 8:15

Hag ev a'n ladhas; ha Moyses a gemmeras an goes ha'y worra gans y vys war gern an alter a-dro ha purhe an alter ha dinewi an goes war woeles an alter, dhe wul dehwelyans warnodho.

Zekaria 4:14

Ev a leveris dhymm, ‘An re ma yw an dhew untys a sev ryb Arloedh oll an norvys.’

Niverow 14:34

War-lergh niver an dydhyow mayth aspisowgh an tir, dew-ugens dydh, rag pub dydh unn vlydhen, hwi a dheg agas kammweyth, dew-ugens blydhen, ha hwi a wra aswonn ow displesour.’

Matthew 1:21

Ha hi a dhineyth mab, ha ty a'n henow Yesu; rag ev a saw y bobel dhiworth aga feghosow.’

Matthew 11:13

Rag oll an brofoesi ha'n lagha a wrug profoesa bys yn termyn Yowann;

Matthew 4:5

Ena an jowl a'n kemmeras dhe'n sita sans hag a'n settyas war bynakyl an tempel,

Mark 1:24

‘Pandr'a vynnydh tejy genen ni, Yesu a Nazareth? Osta devedhys rag agan diswul ni? My a'th aswonn piw os, an Sans a Dhuw.’

Luk 1:35

Ha'n el a worthybis dhedhi, ‘An Spyrys Sans a dheu warnas, ha nerth an Ughella a'th worskeus; rakhenna an flogh a vydh genys a vydh gelwys Mab Duw.

Luk 21:22

rag hemm yw dydhyow a gessydhyans, pan vydh kowlwrys pup-tra a veu skrifys.

Yowann 1:41

Ev a gavas y vroder y honan Simon yn kynsa hag yn-medh ev dhodho, ‘Ni re gavas an Messia’, (yw treylys, Krist).

Yowann 3:34

Rag ev neb re wrug Duw y dhannvon a gews geryow Duw, rag ny re ev an Spyrys orth musur.

Oberow 3:14

Mes hwi a naghas an Sans ha Gwiryon, ha govynn moldrer dhe vos grontys dhywgh,

Oberow 3:22

Yn tevri, Moyses a leveris, “An Arloedh agas Duw a dhrehav ragowgh profoes dhiworth agas breder, avelov vy; hwi a wra goslowes orto yn pup-tra a lavarro dhywgh.

Oberow 4:26

Myghternedh an norvys a dheuth, ha'n rewloryon a omguntellas war-barth erbynn an Arloedh hag erbynn y Untys ev.”

Romanyon 5:10

Rag mars en unnverhes gans Duw, ha ni hwath eskerens, dre vernans y Vab, kemmys moy, wosa ni dhe vos unnverhes y fydhyn selwys gans y vewnans.

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

Filippianys 3:9

ha may fiv kevys ynno, heb kavoes ow ewnder vy a dheu a'n lagha mes an ewnder a dheu dre fydh yn Krist, an ewnder a dheu a Dhuw, selys war fydh;

Kolossianys 1:20

ha dredho dhe unnverhe pup-tra dhodho, po taklow war an nor po taklow y'n nevow, ow kul kres dre woes y grows.

Kolossianys 2:14

ow tefendya an akont-skrif esa er agan pynn, gans y ordenansow, hag ev a'n kemmeras dhe-ves, orth y gentra orth an grows;

Ebrowyon 10:14

Rag der unn offrynn ev re berfydhhas bys vykken an re yw sanshes.

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.

Ebrowyon 7:26

Rag gwiw o bos dhyn arghoferyas a'n par na, sans, divlam, andhefolys, diberthys a'n beghadoryon, ughelhes a-ugh an nevow.

Ebrowyon 9:26

rag ena y tegoedhvia dhodho godhevel menowgh a-dhia wrians an bys. Mes lemmyn ev re omdhiskwedhas unnweyth, dhe dhiwedh an oesow, ha dilea peghosow der omsakrifia.

2 Peder 1:1

Simon Peder, gwas hag abostol Yesu Krist, Dhe'n re re gavas fydh drudh kehaval dh'agan fydh ni, yn ewnder agan Duw ha'gan Selwyas Yesu Krist:

1 Yowann 3:8

Neb a begh, a'n jowl yma; rag an jowl a begh a-dhia'n dalleth. Dhe'n porpos ma y feu diskwedhys Mab Duw, rag may tistrua oberow an jowl.

Diskwedhyans 14:6

Ha my a welas ken el ow nija yn kres nev gans an aweyl heb hedhi dhe bregoth dhe neb a drig war an norvys, ha dhe bub kenedhel ha loeth ha taves ha pobel,

Diskwedhyans 3:7

‘Ha dhe el an eglos yn Filadelfia skrif: An taklow ma a lever neb yw sans, neb yw gwir, neb a'n jeves alhwedh Davydh, neb a iger, ha denvyth ny dhege, ha degea ha denvyth ny iger: