Daniel 3:27 - An Bibel Kernewek 20234 (Kernewek Kemmyn)

²⁷ [94] Ha'n wahalyethow, an bennternedh, ha'n wovernours, ha kusulyoryon an myghtern, neb a vedha kuntellys, a welas an wer ma; fatell ny'n jevia an tan galloes vyth war aga horf, nag o goleskys blewenn a'ga fenn, nag o treylys aga lavrek, nag esa fler an tan warnedha.

Daniel 3:27 ပူးပေါင်းရင်းမြစ်များ

1 Myghternedh 13:28

Ev eth ha kavoes an korf tewlys y'n fordh, ha'n asen ha'n lew a'ga sav ryb an korf. Ny dhyb'sa an lew an korf na terri an asen.

2 Myghternedh 19:19

Lemmyn, A Arloedh agan Duw, my a'th pys, saw ni yn-mes a'y leuv, may hwodhvo oll gwlaskordhow an norvys ty dha honan, A Arloedh, dhe vos Duw.’

Salmow 83:18

Ena i a wodhvydh ty dha honan neb yw dha hanow an Arloedh dhe vos an Ughella dres oll an nor.

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Daniel 3:21

Ena an wer ma a veu kelmys, hag i hwath yn aga lavrek, ha'ga lodrow, ha'ga thulyfant, ha'ga dillas erell, hag y fons tewlys yn kres an fornes a dan ow flammya.

Daniel 6:23

Ena yth o an myghtern lowen dres eghenn ragdho, hag ev a worhemmynnis may fe Daniel tennys dhiworth an fow. Ytho Daniel a veu tennys dhiworth an fow, ha ny veu kevys pystik vyth warnodho, rag ev dhe drestya yn y Dhuw.

Daniel 6:7

Oll lewydhyon an ruvaneth, an bennternedh ha'n wahalyethow, an gusulyadoryon ha'n wovernours, re omgusulyas may hwrello an myghtern dyllo ordenans ha gweythresa difenn krev: piwpynag a wrello pysadow dhe dhuw po dhe dhen a-ji deg dydhweyth warn ugens, marnas dhiso jy, A vyghtern, dhe vos tewlys yn fow a lewyon.

Matthew 10:30

Ha hwi – pub blewenn a'gas penn yw niverys.

Oberow 26:26

Rag an myghtern a gonvedh a-dro dhe'n taklow ma, hag orto ev my a gews, hardh ow lavarow, rag sur ov vy nag yw nagonan a'n taklow ma kudhys dhiworto, rag ny veu hemma gwrys yn kornell.

Oberow 27:34

Rakhenna my a'gas pys a gemmeres boes, drefenn bos hemma rag agas sawyans, rag blewenn a'n penn a dhenvyth ahanowgh ny vydh kellys.’

Ebrowyon 11:34

difeudhi nerth tanyow, skeusi rag min an kledha, gwaynya krevder yn-mes a wannder, dos ha bos galloesek yn kas, gorra luyow estren dhe'n fo.