Daniel 12:13 - An Bibel Kernewek 20234 (Kernewek Kemmyn)

¹³ Ha ty, ke bys y'n diwedh, hag y hwredh powes, ha degemmeres dha rann orth diwedh an dydhyow.’

Daniel 12:13 ပူးပေါင်းရင်းမြစ်များ

Salmow 1:5

Rakhenna, ny sev an debeles y'n vreus, na peghadoryon yn kuntelles an re wiryon;

Salmow 16:5

An Arloedh yw ow rann dhewisys ha'm hanaf; ty a syns ow hevrenn.

Salmow 16:9

Rakhenna heudhik yw ow holonn, ha'm enev a lowenha, ha'm kig ynwedh a drig yn sawder.

Eksodus 33:14

Hag ev a leveris, ‘My ow honan a wra mos genes, ha my a re dhis powes.’

Daniel 12:3

Ha'n re fur a wra splanna avel golowyjyon an fyrmament; ha'n re a dreyl lies dhe wiryonedh a vydh avel an ster bys vykken ha bynnari.

Daniel 12:4

Mes ty, A Daniel, kudh an geryow, ha sel an lyver bys prys an diwedh. Lies a boen a-derdro, dhe ynkressya godhvos.’

Zekaria 3:7

‘Yndellma y lever Arloedh an luyow: Mar kerdhydh y'm fordhow ha gwitha ow charj, ena ty a wra governa ow chi ha gwitha ow klosyow, ha my a re dhis awtorita dhe dhos ha mos yn mysk an re usi ow sevel omma.

Matthew 19:28

Yn-medh Yesu dhedha, ‘Yn hwir y lavarav dhywgh, hwi neb a wrug ow holya, pan esettho Mab an den war dron y wolewder y'n genesigeth nowydh, hwi ynwedh a esedh war dhewdhek tron, ow preusi dewdhek loeth Ysrael.

Luk 21:36

Bedhewgh hewoel pup-prys, ow pysi may fo dhywgh nerth dhe fia dhiworth pup-tra eus ow tegynsiwa, ha dhe sevel a-rag Mab an den.’

2 Korinthianys 5:1

Rag ni a woer hemma: mars yw distruys agan chi y'n bys, an tylda ma, yma dhyn drehevyans a Dhuw, chi nag yw gwrys gans leuv, a dhur bynitha y'n nevow.

2 Thessalonianys 1:7

ha ri powes genen ni dhywgh hwi yw duwenhes, orth diskwedhyans an Arloedh Yesu dhiworth nev gans y eledh nerthek,

Diskwedhyans 14:13

Ha my a glewas lev dhiworth nev ow leverel, ‘Skrif: Gwynnvys an re varow a verow y'n Arloedh alemma rag.’ ‘Ya’, yn-medh an Spyrys, ‘may hallons i powes a'ga lavur, rag yma aga oberow orth aga siwya.’