Daniel 11:45 - An Bibel Kernewek 20234 (Kernewek Kemmyn)

⁴⁵ Ev a worr tyldow y balys ynter an moryow, ha menydh sans an splannder. Mes ev a dheu dh'y dhiwedh, heb denvyth orth y weres.

Daniel 11:45 ပူးပေါင်းရင်းမြစ်များ

Salmow 48:2

Teg hy ughelder, lowender oll an nor, yw menydh Sion, yn pella rannow an kledh, sita an myghtern meur.

Ysay 10:12

Ytho pan dhiwedh an Arloedh oll y ober war venydh Sion hag yn Yerusalem, my a gessydh frut kolonn goethus myghtern Assyria, ha balghder y dhewlagas howtyn.

Ysay 11:9

Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 14:13

Ty a leveris y'th kolonn, ‘My a yskynn dhe nev; my a dhrehav ow thron a-ugh ster Duw; esedhys vydhav war venydh an kuntelles, yn pella rannow an gogledh;

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Ysay 27:13

Hag y'n jydh na, an hirgorn bras a vydh hwythys, ha'n re a veu kellys yn pow Assyria, ha'n re a veu divres yn pow Ejyp a dheu ha gordhya an Arloedh y'n menydh sans, yn Yerusalem.

Ysay 65:25

Bleydh hag oen a beur war-barth, ha lew avel ojyon a dheber kala', mes doust a vydh boes rag sarf. Ny wrons dregynn na distrui yn oll ow menydh sans, yn-medh an Arloedh.

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Ezekiel 39:2

my a'th treyl a-dro ha'th tenna yn-rag, ha'th tri yn-bann dhiworth penn pella an gledhbarth, ha'th hembronk erbynn menydhyow Ysrael.

Daniel 11:16

Neb a dheu er y bynn a wra herwydh y vodh, ha den ny yll sevel a-ragdho; ev a sev y'n tir splann, gans distruyans yn y dhorn.

Daniel 11:41

Ena ev a dheu y'n tir splann, ha lies a wra trebuchya; mes an re ma a dhienk a'y dhorn: Edom ha Moab ha'n brassa rann a vebyon Ammon.

Daniel 11:44

Mes nowodhow a'n howldrevel ha'n gledhbarth a wra y drobla, hag y hwra ehwias yn unn fernewi rag distrui ha kowlladha lies.

Daniel 2:35

Ena an horn, an priweyth, an brons, an arghans, ha'n owr, oll war-barth, a veu terrys dhe demmyn, hag a dheuth ha bos kepar hag us leuryow-drushya an hav, ha'n gwyns a's hwythas dhe-ves, ma na veu kevys ol vyth anedha. Mes an men hag a weskis an delow a dheuth ha bos menydh bras ha lenwel oll an norvys.

Daniel 7:26

An vreuslys a wra esedha, ha'y vestrynses a vydh kemmerys dhe-ves, rag bos treghys ha distruys bys y'n diwedh.

Daniel 8:25

Der y felder ev a wra dhe doell seweni der y dhorn; balgh vydh yn y golonn. Heb gwarnyans y hwra distrui meur a dus; erbynn Pryns an brynsys y sev; y fydh terrys, mes ny vydh dre leuv den.

Daniel 9:16

A Arloedh, herwydh oll dha weythyow gwiryon, re bo treylys, my a'th pys, dha sorr ha'th konnar dhiworth dha sita Yerusalem, dha venydh sans; rag a-barth agan peghosow, hag a-barth kammweyth agan tasow, Yerusalem ha'th pobel re dheuth bismer dh'agan kentrevogyon.

Daniel 9:20

Ha my ow kewsel hag ow pysi, hag ow yes ow feghes ha peghes ow fobel Ysrael, hag ow profya ow aspysadow a-rag an Arloedh ow Duw, a-barth menydh sans ow Duw;

Yoel 2:20

Ha my a bellha dhiworthowgh lu an kledhbarth, ha'y fesya yn syghtir ha difeyth, gans y fas troha mor an est, ha'y dhelergh troha mor an howlsedhes; ha'y fler a wra drehevel, ha'y flerynsi a dheu yn-bann. Rag ev re wrug taklow bras.

Mika 4:2

Kenedhlow pals a dheu, ha leverel, ‘Dewgh, ha deun ni yn-bann dhe venydh an Arloedh, ha dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Zekaria 14:8

Y'n jydh na dowr bew a wra mos yn-mes dhiworth Yerusalem, hanter anodho dhe vor an howldrevel ha hanter anodho dhe vor an howlsedhes: y hwyrvydh yn hav hag yn gwav.

Niverow 34:5

ha'n or a wra treylya a-dhiworth Asmon dhe wover Ejyp, ha'y benn a vydh orth an mor.

2 Thessalonianys 2:4

neb a omsett hag omdhrehevel a-ugh pup-tra yw henwys Duw, po yw gordhys, mayth esedh yn tempel Duw, ow teklarya ev y honan dhe vos Duw.

2 Thessalonianys 2:8

Hag ena an den dilagha a vydh diskudhys, neb a wra an Arloedh Yesu y dhistrui gans anall y anow, ha'y dhiswul dre diskwedhyans y dhevedhyans,

Diskwedhyans 13:10

Neb a ello yn kethneth, yn kethneth yth a: neb a vo ledhys gans kledha, gans kledha y fydh ledhys. Ottomma perthyans ha fydh an syns.

Diskwedhyans 20:2

Hag ev a settyas dalghenn y'n dhragon, an sarf goth na, yw an Jowl ha Satnas, hag a's kolmas mil vlydhen;

Diskwedhyans 20:9

Hag i a yskynnas war efander an nor hag a omsettyas a-dro dhe gaslys an syns, ha'n sita veurgerys; ha tan a dhiyskynnas yn-mes a nev ha'ga devorya.