Daniel 11:27 - An Bibel Kernewek 20234 (Kernewek Kemmyn)

²⁷ Kolonn an dhew vyghtern a vydh parys dhe wul drog; orth an keth voes y hwrons gowleverel, mes yn euver, rag y fydh an diwedh orth an prys apoyntys.

Daniel 11:27 ပူးပေါင်းရင်းမြစ်များ

2 Samuel 13:26

Ena yn-medh Absalom, ‘Mar ny vynnydh, my a'th pys, gas ow broder Amnon dhe vones genen.’ Ha'n myghtern a worthybis dhodho, ‘Prag y hwra ev mones genes?’

Salmow 12:2

I a lever euveredh, pub den gans y hynsa; gans gweus fekyl ha kolonn dhewblek y kowsons.

Salmow 52:1

Prag y fostydh yn drogober, ty vreselyas? Tregeredh Duw a dhur oll an jydh.

Salmow 58:2

Hwi a wra sherewneth yn agas kolonn; hwi a dhyllo garowder agas diwleuv y'n nor.

Salmow 62:9

Yn tevri, euveredh yw tus isel, ha tus ughel yw gow; y'n vantol yth ons i war-vann, skaffa yns i es euveredh.

Salmow 64:6

I a hwila anewnderow, i a gudh aga brasow. Kowses gour ha'y golonn yw down.

Lavarow Koth 12:20

Yma toell yn kolonn an re hag a dhevis droktra, mes an re a dewl kres a's teves joy.

Lavarow Koth 19:21

Lies yw an towlow a-ji dhe golonn gour, mes porpos an Arloedh, henna a sev.

Lavarow Koth 26:23

Avel gwedrans ow kenna seth a bri yw gweusyow ter ha tebel golonn.

Ezekiel 17:9

Lavar: Yndellma y lever an Arloedh Duw: A sewen? A ny denn ev y wreydhyow yn-bann, ha terri y frut rag may hwetthro, hag oll y varrennow yr a wedher? Ny vydh gans leuv grev na meur a bobel y fydh tennys yn-bann dhiworth y wreydhyow.

Daniel 10:1

Y'n tressa blydhen a Kyrus, myghtern Persia, y feu diskwedhys ger dhe Daniel, neb o henwys Belteshassar. Gwir o an ger na: kas vras. Ev a gonvedhas an ger – an welesigeth a'n styryas.

Daniel 11:28

Ev a wra dehweles dh'y vro gans pythow bras, mes y fydh y golonn treylys erbynn an kevambos sans; ev a wra kowlwul y vodh ha dehweles dh'y vro.

Daniel 11:29

‘Dhe'n prys apoyntys, ev a dheu arta dhe'n dhyghowbarth, mes an dro ma ny vydh avel an dro kyns.

Daniel 11:35

Darn a'n re fur a drebuch, rag may fons prevys, purhes ha kannyes, bys yn prys an diwedh, rag hemm yw hwath rag an prysweyth ordenys.

Daniel 11:40

‘Orth prys an diwedh, y hwra myghtern an dhyghowbarth omsett er y bynn; mes myghtern an gledhbarth a dheu er y bynn avel korwyns, gans charettow, ha gans marghogyon, ha gans lies gorhel. Ev a enter yn tiryow, ha tremena avel liv.

Daniel 8:17

Ytho y teuth ogas dhe'm savla, ha pan dheuth, my a gemmeras own ha koedha war ow fas. Mes y leveris dhymm, ‘Konvedh, A vab-den, bos an welesigeth rag termyn an diwedh.’

Daniel 8:19

Yn-medh ev, ‘Otta, my a dheriv dhis an pyth a hwyrvydh troha diwedh termyn an sorr, rag an welesigeth yw a-dro dhe brys ordenys an diwedh.

Habakkuk 2:3

Rag an welesigeth yw hwath rag termyn apoyntys; hi a fisten dhe'n diwedh, ha ny wowlever: kyn hok hi, rag hi a dheu yn surredi, ny dhelat hi.

Oberow 1:7

Ev a leveris dhedha, ‘Nyns yw dhywgh hwi godhvos na prysyow na sesonyow re settyas an Tas der y awtorita y honan.

Oberow 17:31

drefenn ev dhe settya dydh may hwra breusi an bys yn ewnder, dre wour neb re apoyntyas, ow profya mewgh dhe oll, orth y dhrehevel dhiworth an re varow.’

1 Thessalonianys 5:1

Mes nyns yw res skrifa dhywgh a vreder, a-dro dhe'n termynyow ha'n sesonyow;