Breusysi 9:6 - An Bibel Kernewek 20234 (Kernewek Kemmyn)

⁶ Ena oll arlydhi Shekem hag oll Beth-millo a omguntellas, hag i eth hag a wrug Abimelek myghtern, orth an dherwenn ryb an peulven yn Shekem.

Breusysi 9:6 ပူးပေါင်းရင်းမြစ်များ

2 Samuel 5:9

Ena Davydh a dhallathas triga y'n dinas, hag ev a'n henwis sita Davydh. Davydh a dhrehevis a-derdro dhiworth an Millo ha war-ji.

1 Myghternedh 12:1

Rehoboam eth dhe Shekem, rag Ysrael oll dhe dhos dhe Shekem dh'y wul myghtern.

1 Myghternedh 12:20

Pan glewas oll Ysrael Yeroboam dhe dhehweles, i a dhannvonas ha'y elwel dhe'n kuntelles ha'y wul myghtern war oll Ysrael. Nyns esa nagonan a holyas chi Davydh, saw unnsel loeth Yuda.

1 Myghternedh 12:25

Ena Yeroboam a dhrehevis Shekem yn bro venydhyek Efraym, ha triga ena; ev eth yn-mes alena ha drehevel Penuel.

2 Myghternedh 12:20

Y wesyon a sevis ha gul bras, ha ladha Yoash yn chi Millo, war an fordh a dhiyskynn dhe Silla.

Yoshua 24:26

Ha Yoshua a skrifas an geryow ma yn lyver lagha Duw. Ena ev a gemmeras men bras ha'y settya yn-bann yn-dann an dherwenn yn sentri an Arloedh.

Breusysi 9:5

Ev eth dhe ji y das yn Ofra hag a ladhas y vreder mebyon Yerubbaal, deg gour ha tri-ugens war unn men. Mes Yotham mab Yerubbaal, an yowynka, a veu gesys, rag ev a omgudhas.

Breusysi 9:7

Pan veu henna derivys dhe Yotham, ev eth hag a sevis war warthav menydh Gerizim, hag a grias yn ughel hag a leveris dhedha, ‘Goslowewgh orthiv, hwi arlydhi Shekem, rag may hwoslowo Duw orthowgh.