Breusysi 9:57 - An Bibel Kernewek 20234 (Kernewek Kemmyn)

⁵⁷ ha Duw a wrug may koedhas oll droktra tus Shekem war aga fenn, ha warnedha y teuth molleth Yotham mab Yerubbaal.

Breusysi 9:57 ပူးပေါင်းရင်းမြစ်များ

2 Samuel 3:39

Hedhyw my yw difredh, kynth ov untys myghtern; an wer ma, mebyon Seruya, yw re gales ragov. Re attallo an Arloedh dhe'n den neb a wra drog herwydh y sherewynsi!’

1 Myghternedh 16:34

Yn y dhydhyow Hiel a Bethel a dhrehevis Yeriko; ev a worras hy selveyn orth kost Abiram y gynsa-genys, ha settya hy yetow yn-bann orth kost y yowynka mab Segub, herwydh ger an Arloedh, a gewsis der Yoshua mab Nun.

1 Myghternedh 2:32

Ha'n Arloedh a wra dh'y woes dehweles war y benn ev y honan, rag heb godhvos ow thas Davydh, ev a goedhas war dhew wour moy gwiryon ha gwell agesso ev, ha'ga ladha gans an kledha: Abner mab Ner, kapten lu Ysrael, hag Amasa mab Yether, kapten lu Yuda.

Salmow 7:17

My a wormel an Arloedh herwydh y ewnder, ha kana gormola dhe hanow an Arloedh, an Ughella.

Salmow 94:23

Ev a attal dhedha aga sherewneth aga honan, ha'ga distrui yn aga droktra aga honan; devri, an Arloedh agan Duw a wra aga hisya.

Lavarow Koth 5:22

An tebelwas yw maglennys gans y gammweythresow y honan, hag ev a vydh synsys fast yn kerdyn y begh.

Ysay 3:11

Go-ev an tebelwas, drog a'n jevydh; drefenn war-lergh ober y dhiwleuv y fydh gwrys dhodho ev.

Yoshua 6:26

Yoshua a wrug an ti ma y'n termyn na, ow leverel, ‘Mollothek a-dherag an Arloedh a vydh an gour a assay dastrehevel an sita ma, Yeriko. Ev a worr an selyow orth kost y vab kynsa genys, ev a sett hy yetow yn-bann orth kost y vab yowynka.’

Breusysi 1:7

Yn-medh Adoni-bezek, ‘Deg myghtern ha tri-ugens, aga meusi ha bysies-troes bras treghys dhe-ves, a guntella brewyon yn-dann ow moes; kepar dell wrugavy, yndella Duw re attylis dhymm.’ Hag i a'n dros dhe Yerusalem, hag ev a verwis ena.

Breusysi 10:1

Wosa Abimelek, Tola mab Pua mab Dodo, gour a Yssakar, trigys yn Shamir yn bro venydhyek Efraym, a sevis dhe dhelivra Ysrael.

Breusysi 9:20

mes mar ny wrussowgh yndella, des tan dhiworth Abimelek ha leski arlydhi Shekem ha Beth-millo, ha des tan dhiworth arlydhi Shekem, ha dhiworth Beth-millo, ha leski Abimelek.’

Breusysi 9:24

Hemma a hwarva rag may fe diellys an drog re bia gwrys dhe'n deg mab ha tri-ugens a Yerubbaal ha may fe aga goes gorrys war aga broder Abimelek, neb a's ladhas, ha war arlydhi Shekem, neb a grevhas y dhiwdhorn rag ladha y vreder.

Breusysi 9:45

Abimelek a omladhas erbynn an sita oll an jydh na; ev a gemmeras an sita hag a ladhas an bobel esa ynni; ev a dorras an sita dhe'n dor hag a's hasas gans hoelan.

Breusysi 9:56

Yndella Duw a attylis dhe Abimelek a'n drogober a wrug erbynn y das, ow ladha y dheg broder ha tri-ugens,