Breusysi 9:56 - An Bibel Kernewek 20234 (Kernewek Kemmyn)

⁵⁶ Yndella Duw a attylis dhe Abimelek a'n drogober a wrug erbynn y das, ow ladha y dheg broder ha tri-ugens,

Breusysi 9:56 ပူးပေါင်းရင်းမြစ်များ

Jenesis 9:5

Hag yn sur, rag goes agas bewnans hwi my a vynn kavoes reknans; my a vynn y gavoes orth pub best; hag orth mab-den, orth den ha'y broder, my a vynn kavoes reknans a vewnans den.

Jenesis 9:6

Piwpynag a skoellyo goes den, gans den y fydh y woes ev skoellyes. Rag yn imaj Duw ev a wrug mab-den.

Job 31:3

A nyns yw anfeusi rag an dhrogoberer, terroes rag an re a wra droktra?

Salmow 11:6

Ev a wra dhe golennow tan ha loskven koedha war an debeles avel glaw; gwyns gwyls a vydh kevrenn aga hanaf.

Salmow 9:12

Rag neb a wovynn goes yn dial a berth kov anedha; ny ankev garm an voghosogyon.

Salmow 94:23

Ev a attal dhedha aga sherewneth aga honan, ha'ga distrui yn aga droktra aga honan; devri, an Arloedh agan Duw a wra aga hisya.

Lavarow Koth 5:22

An tebelwas yw maglennys gans y gammweythresow y honan, hag ev a vydh synsys fast yn kerdyn y begh.

Matthew 7:2

rag gans an vreus may hwrewgh hwi breusi dredhi, hwi a vydh breusys, ha gans an musur may fusurowgh hwi ganso, y fydh musurys dhy'hwi.

Oberow 28:4

Ha pan welas an deythyogyon an sarf ow kregi a'y leuv, i a leveris an eyl dh'y gila, ‘Yn tevri, an den ma yw moldrer re beu sawys dhiworth an mor, mes ny wrug Ewnder y asa yn few.’

Galatianys 6:7

Na vedhewgh toellys: ny vydh Duw skornys. Rag pypynag a wra den y hasa, an keth henna a wra ev y vysi;

Breusysi 9:24

Hemma a hwarva rag may fe diellys an drog re bia gwrys dhe'n deg mab ha tri-ugens a Yerubbaal ha may fe aga goes gorrys war aga broder Abimelek, neb a's ladhas, ha war arlydhi Shekem, neb a grevhas y dhiwdhorn rag ladha y vreder.

Breusysi 9:55

Pan welas gwer Ysrael bos Abimelek marow, i eth tre yn kettep penn.

Breusysi 9:57

ha Duw a wrug may koedhas oll droktra tus Shekem war aga fenn, ha warnedha y teuth molleth Yotham mab Yerubbaal.