Breusysi 9:54 - An Bibel Kernewek 20234 (Kernewek Kemmyn)

⁵⁴ Distowgh ev a elwis dhe'n yonker deger y arvow hag a leveris dhodho, ‘Tenn dha gledha ha'm ladha, ma na leverrer yn ow hever, “Benyn a'n ladhas.” ’ Ytho an yonker a'n gwanas, hag y ferwis.

Breusysi 9:54 ပူးပေါင်းရင်းမြစ်များ

2 Samuel 1:10

Ytho my a sevis a-ughto, ha'y ladha, drefenn ow bos sur na ylli bewa wosa ev dhe goedha. My a gemmeras an gurun esa war y benn, ha'n breghellik esa war y vregh, ha my re's dros omma dhe'm arloedh.’

2 Samuel 1:7

Pan dreylyas a-dro, ev a'm gwelas, ha gelwel dhymm, ha my a worthybis, “Ottavy syrra.”

2 Samuel 1:9

Hag ev a leveris dhymm, “Sav a-ughov my a'th pys, ha ladh vy; rag penn-dro re'm dalghennas, kynth usi ow bewnans hwath ynnov.”

2 Samuel 23:37

Selek an Ammonyas, Naharay an Beerothyas, deger arvow Yoab mab Seruya,

1 Kroniklys 10:4

Ena Sowl a leveris dhe dheger y arvow, ‘Tenn dha gledha ha gwan vy ganso, ma na dheffo an wer antrodreghys ma ha gul ges ahanav.’ Mes ny vynnas deger y arvow, drefenn ev dhe berthi own yn feur. Ytho Sowl a gemmeras y gledha y honan ha koedha warnodho.

1 Kroniklys 10:5

Pan welas deger y arvow bos Sowl marow, ev ynwedh a goedhas war y gledha, ha merwel.

1 Kroniklys 11:39

Selek an Ammonyas, Naharay an Beerothyas, deger arvow Yoab mab Seruya,

Breusysi 4:9

Ha hi a leveris, ‘Yth av genes yn surredi; byttegyns ny led an fordh mayth edh warnedhi dhe'th glori, rag an Arloedh a werth Sisera yn leuv benyn.’ Ena Debora a sevis yn-bann hag eth gans Barak dhe Kedesh.

Breusysi 9:55

Pan welas gwer Ysrael bos Abimelek marow, i eth tre yn kettep penn.

1 Samuel 14:12

Ha gwer an savla-goelyadoryon a elwis dhe Yonathan ha deger y arvow, ow leverel, ‘Dewgh yn-bann dhyn, ha ni a dhiskwedh neppyth dhywgh.’ Yonathan a leveris dhe dheger y arvow, ‘Deus yn-bann war ow lergh; rag an Arloedh re's delivras yn leuv Ysrael.’

1 Samuel 14:13

Ha Yonathan a yskynnas yn-bann war y dhiwdhorn ha war y dhewdroes, gans deger y arvow owth holya war y lergh. Ha'n Filistysi a goedhas a-dherag Yonathan, ha deger y arvow, ow tos war y lergh, a's ladhas.

1 Samuel 14:14

Hag y'n kynsa ladhva Yonathan ha deger y arvow a ladhas ogas dhe ugens gour a-ji dhe spas a-dro dhe hanter fynngel y hys yn erow a dir.

1 Samuel 14:17

Ena Sowl a leveris dhe'n bobel esa ganso, ‘Omguntellewgh lemmyn, ha gwelyn piw yw gyllys ahanan.’ Ha pan omguntellsens war-barth, nyns esa ena Yonathan na deger y arvow.

1 Samuel 14:7

Ha deger y arvow a leveris dhodho, ‘Gwra oll eus y'th kolonn, treyl; ottavy, yth esov vy genes, kepar dell yw dha golonn, yndella yw ow holonn vy.’

1 Samuel 16:21

Ha Davydh a dheuth dhe Sowl, ha sevel a-dheragdho. Sowl a'n kara yn feur, hag ev a dheuth ha bos deger y arvow.

1 Samuel 31:6

Ytho Sowl a verwis, ha'y dri mab, ha deger y arvow, hag oll y wer, war-barth y'n keth jydh.