Breusysi 9:28 - An Bibel Kernewek 20234 (Kernewek Kemmyn)

²⁸ Gaal mab Ebed a leveris, ‘Piw yw Abimelek, ha piw yw an Shekemysi bys ma'n serfyn? A ny servyas mab Yerubbaal ha Zebul y soedhek gwer Hamor tas Shekem? Ytho prag y telledh ni dh'y servya?

Breusysi 9:28 ပူးပေါင်းရင်းမြစ်များ

Jenesis 33:19

Hag ev a brenas rann a'n gwel may hwrussa drehevel y dylda dhiworth mebyon Hamor, tas Shekem, a gans bath a vona.

Jenesis 34:2

Ha Shekem mab Hamor an Hivyas, penntern an pow na, a's gwelas ha'y hemmeres ha growedha gensi ha'y uvelhe.

Jenesis 34:6

Ha Hamor, tas Shekem, eth yn-mes dhe Yakob dhe gewsel orth Yakob a'n mater.

2 Samuel 20:1

Y hwarva bos gour Belial ena, ha'y hanow Sheba mab Bikri, Benyaminyas. Ev a hwythas an hirgorn ha garma, ‘Nyns eus dhyn rann vyth yn Davydh, na eretons yn mab Yesse. Pub gour dh'y dylda, A Ysrael!’

1 Myghternedh 12:16

Pan welas oll Ysrael oll na vynna an myghtern goslowes orta, an bobel a worthybis dhe'n myghtern, ‘Pana rann a'gan beus yn Davydh? Nyns eus eretons yn mab Yesse. Dh'agas tyldow, Ysrael! Mirewgh dhe'th chi dha honan, Davydh.’ Ytho Ysrael eth dhe-ves dh'aga thyldow.

Breusysi 9:26

Pan eth Gaal mab Ebed yn Shekem gans y deylu, arlydhi Shekem a drestyas ynno.

Breusysi 9:41

Ytho yth esa Abimelek trigys yn Aruma; ha Zebul a jasyas Gaal ha'y gerens yn-mes, bys ma na yllens triga na fella yn Shekem.

1 Samuel 25:10

Mes Nabal a worthybis dhe wesyon Davydh ha leverel, ‘Piw yw Davydh? Piw yw mab Yesse? Yma lies gwas y'n dydhyow ma a boen dhe-ves dhiworth aga mestrysi.