Breusysi 9:23 - An Bibel Kernewek 20234 (Kernewek Kemmyn)

²³ Mes Duw a dhannvonas tebel spyrys ynter Abimelek hag arlydhi Shekem; hag arlydhi Shekem a dhyghtyas yn fals gans Abimelek.

Breusysi 9:23 ပူးပေါင်းရင်းမြစ်များ

1 Myghternedh 12:15

Yndella ny woslowas an myghtern orth an bobel, drefenn bos hemma destnys gans an Arloedh, dhe gewera an ger kewsys gans an Arloedh der Ahiya an Shilonyas dhe Yeroboam mab Nebat.

2 Kroniklys 10:15

Yndella ny woslowas an myghtern orth an bobel, drefenn bos hemma destnys gans Duw, dhe gewera an ger kewsys gans an Arloedh der Ahiya an Shilonyas dhe Yeroboam mab Nebat.

Ysay 19:14

An Arloedh re gemmyskas a-ji dhedhi spyrys gorth; i a wra dhe Ejyp trebuchya yn oll hy gwriansow, kepar dell drebuch penn-medhow yn y hwyj.

Ysay 19:2

My a sett Ejyp erbynn Ejyp; pubonan a vatal orth y vroder, ha pubonan orth y gentrevek, sita orth sita, ruvaneth orth ruvaneth.

Ysay 33:1

Go-jy, ty dhistruer, mes ny veus distruys; ty a draytas, mes nagonan ny wrug dha drayta. Pan astelydh distrui, ty a vydh distruys; pan astelydh trayta, i a wra dha drayta.

Matthew 7:2

rag gans an vreus may hwrewgh hwi breusi dredhi, hwi a vydh breusys, ha gans an musur may fusurowgh hwi ganso, y fydh musurys dhy'hwi.

Mark 3:24

Ha mar pydh gwlaskor rynnys er hy fynn hy honan, an wlaskor na ny yll sevel.

Breusysi 9:20

mes mar ny wrussowgh yndella, des tan dhiworth Abimelek ha leski arlydhi Shekem ha Beth-millo, ha des tan dhiworth arlydhi Shekem, ha dhiworth Beth-millo, ha leski Abimelek.’

Breusysi 9:22

Abimelek a reynyas war Ysrael teyr blydhen.