Breusysi 9:15 - An Bibel Kernewek 20234 (Kernewek Kemmyn)

¹⁵ Ha'n spedhasenn a leveris dhe'n gwydh, “Mar mynnowgh yn hwir ow untya myghtern warnowgh, ytho dewgh hag omwithewgh yn ow skeus; poken des tan yn-mes a'n spedhasenn ha leskes kederwydh Lebanon.”

Breusysi 9:15 ပူးပေါင်းရင်းမြစ်များ

2 Myghternedh 14:9

Yoash myghtern Ysrael a dhannvonas ger dhe Amasia myghtern Yuda, ow leverel, ‘An askallenn yn Lebanon a dhannvonas messaj dhe gederwydhenn yn Lebanon, ow leverel, “Ro dha vyrgh dhe'm mab avel gwreg”; mes best gwyls yn Lebanon a dremenas, hag a drettyas war an askallenn.

Salmow 104:16

Gwydh an Arloedh yw leun a sugen, kederwydh Lebanon a blansas ev;

Salmow 29:5

Lev an Arloedh a derr an kederwydh, ha'n Arloedh a derr kederwydh Lebanon

Ysay 1:31

An den krev a vydh avel garrow lin, ha'y ober avel gwryghonenn; aga dew a lesk war-barth heb denvyth dh'aga difeudhi.

Ysay 2:13

hag erbynn oll kederwydh Lebanon yw ughel hag eksaltys, ha war oll derow Bashan;

Ysay 30:2

neb a gerdh dhe vos yn-nans dhe Ejyp heb govynn ow bodh, ha hwilas gweres yn nerth Faro, ha trestya yn goskes Ejyp.

Ysay 37:24

Dre leuv dha servysi ty re skornyas an Arloedh ha leverel, “Gans ow lies charett my res eth yn-bann dhe dopp an menydhyow, dhe bella rannow Lebanon. My re droghas an hirra a'y gederwydh, an gwella a'y veryw. My re dheuth dh'y fenn pella, dhe brysk y goeswik.

Kynvannow 4:20

Untys an Arloedh, anall agan dewfrik, a veu kechys yn aga antylli, may leversyn anodho ‘Yn-dann y skeus y fewyn ni yn mysk an kenedhlow.’

Ezekiel 19:14

Tan eth war-ves dhiworth hy garr ha dybri hy skyll ha'y frut. Nyns eus ynni garr grev gwiw rag ternwelenn rewler. Hemm yw galargan, hag y fydh usys avel galargan.

Ezekiel 31:3

Otta Assyria, kederwydhenn yn Lebanon, gans skorr teg, ow ri skeus dhe'n koes, meur hy ughelder; hy thopp a veu ynter an kommol.

Daniel 4:12

Teg o hy del, ha leun o hi a frut, hag ynni yth esa boes rag peub-oll. Yn-danni y hwre bestes gwyls kavoes skeus, hag yth esa ydhyn an ebron trigys yn hy skorrow; dhiworti y fedha megys pub kig.

Hosea 14:7

Arta y trigons yn y skeus. I a wra ys dhe devi. I a wra bleujyowa avel an gwinbrenn; y vri a vydh avel gwin Lebanon.

Niverow 21:28

Rag tan eth yn-rag a-dhiworth Heshbon, flamm dhiworth sita Sihon. Ev a gowlloskas Ar Moab, arlydhi breow Arnon.

Matthew 13:32

Hi yw an byghanna a oll an hasennow, mes pan vo tevys, an brassa yw hi yn mysk oll an losow ha hi a dheu ha bos gwydhenn may teu ydhyn an ayr ha triga yn hy skorrennow.’

Breusysi 9:14

Ena oll an gwydh a leveris dhe'n spedhasenn, “Ty deus ha reyn warnan.”

Breusysi 9:16

‘Lemmyn ytho, mar omdhugowgh yn gwirder hag yn lenduri pan wrussowgh Abimelek myghtern, ha mar tyghtsowgh yn teg gans Yerubbaal ha'y ji, ha re wrussowgh dhodho dell o gwiw –

Breusysi 9:20

mes mar ny wrussowgh yndella, des tan dhiworth Abimelek ha leski arlydhi Shekem ha Beth-millo, ha des tan dhiworth arlydhi Shekem, ha dhiworth Beth-millo, ha leski Abimelek.’

Breusysi 9:44

Abimelek ha'n para esa ganso a boenyas yn-rag hag a sevis orth entrans yet an sita, ha'n dhew bara a boenyas war oll an re esa y'n prasow ha'ga ladha.

Breusysi 9:49

Ytho pub huni a'n bobel a droghas pusorn hag owth holya Abimelek i a'n gorras war an dhorgell, hag i a worras tan y'n dhorgell warnedha, bys may ferwis oll gwer tour Shekem ynwedh, a-dro dhe vil wour ha benynes.