Breusysi 8:30 - An Bibel Kernewek 20234 (Kernewek Kemmyn)

³⁰ Gideon a'n jevo deg mab ha tri-ugens, y yssiw y honan, rag ev a'n jevo lies gwreg.

Breusysi 8:30 ပူးပေါင်းရင်းမြစ်များ

Jenesis 2:24

Ytho gour a vynn gasa y das ha'y vamm ha glena orth y wreg hag i a vydh unn kig.

Jenesis 46:26

Oll an enevow ow tos gans Yakob dhe Ejyp, an re a dheuth yn-mes a'y dhiwglun ev, heb nivera gwragedh mebyon Yakob, o hwegh ha tri-ugens enev.

Jenesis 7:7

Ha Noy eth a-bervedh, y vebyon, ha'y wreg, ha gwragedh y vebyon ganso a-bervedh y'n gorhel, drefenn dowr an liv.

1 Myghternedh 11:3

Yn mysk y wragedh yth esa seyth kans pennseviges ha tri hans iswreg; ha'y wragedh a dreylyas dhe-ves y golonn.

2 Myghternedh 10:1

Ahab a'n jevo deg mab ha tri-ugens yn Samaria. Ha Yehu a skrifas lytherow ha'ga dannvon dhe Samaria, dhe rewloryon Yezreel, dhe'n henavogyon, ha dhe withysi mebyon Ahab, ow leverel,

Eksodus 1:5

Hag oll an enevow ow tos a vordhos Yakob a veu deg den ha tri-ugens; ha Yosep, yth esa ev yn Ejyp.

Malaki 2:15

A ny's gwrug an unn Duw, kig ha spyrys? Ha pandr'a vynn an unn Duw marnas agh duwek? Rakhenna gwithewgh war agas spyrys, ha na vydh dislen orth gwreg dha yowynkneth.

Dewteronomi 17:17

Na vedhes dhodho y honan benynes pals, ma na dreyl y golonn a-denewen; na kavoes dhodho y honan meur a arghans hag owr.

Breusysi 10:4

Ev a'n jevo deg mab warn ugens hag a varghoga war dheg asen warn ugens, hag yth esa dhedha deg tre warn ugens yn pow Gilead, ha henwys yth yns Havvoth-yair bys y'n jydh ma.

Breusysi 12:14

Ev a'n jevo dew-ugens mab ha deg mab-wynn warn ugens, hag a varghoga war dheg asen ha tri-ugens; ev a vreusi Ysrael eth blydhen.

Breusysi 12:9

Ev a'n jevo deg mab warn ugens. Ev a ros y dheg myrgh warn ugens yn demmedhyans yn-mes a'y gordh hag a dros a-ji deg mowes yowynk warn ugens a'n tu a-ves rag y vebyon. Ev a vreusi Ysrael seyth blydhen.

Breusysi 8:31

Y iswreg neb esa yn Shekem a omdhuk mab dhodho, ha hi a'n henwis Abimelek.

Breusysi 9:1

Lemmyn Abimelek mab Yerubbaal eth dhe Shekem dhe gerens y vamm hag ev a leveris dhedha ha dhe gordh oll a deylu y vamm,

Breusysi 9:18

mes hwi re sevis erbynn chi ow thas y'n jydh hedhyw, ha hwi re ladhas y vebyon, deg gour ha tri-ugens war unn men, ha hwi re wrug Abimelek, mab y vaghteth, myghtern war arlydhi Shekem, drefenn ev dhe vos a'gas teylu –

Breusysi 9:2

‘Leverewgh yn diwskovarn arlydhi Shekem, “Pyneyl yw gwell ragowgh, an deg ha tri-ugens a vebyon Yerubbaal dhe reynya warnowgh po onan dhe reynya warnowgh?” Perthewgh kov ynwedh my dhe vos agas askorn ha'gas kig.’

Breusysi 9:5

Ev eth dhe ji y das yn Ofra hag a ladhas y vreder mebyon Yerubbaal, deg gour ha tri-ugens war unn men. Mes Yotham mab Yerubbaal, an yowynka, a veu gesys, rag ev a omgudhas.