Breusysi 8:27 - An Bibel Kernewek 20234 (Kernewek Kemmyn)

²⁷ Gideon a wrug efod anodho hag a'n gorras yn y dre, yn Ofra; hag oll Ysrael a farya avel horys ena, hag ev o gyllys antell dhe Gideon ha dh'y deylu.

Breusysi 8:27 ပူးပေါင်းရင်းမြစ်များ

Salmow 106:35

Mes i a veu kemmyskys gans an kenedhlow ha dyski aga gwriansow.

Salmow 106:39

Yndella i a veu mostys yn aga gwriansow aga honan, hag i a omdhug avel horys yn aga gwriansow.

Salmow 73:27

Rag otta, an re usi pell dhiworthis a dhe goll; ty re dhistruis oll an re a wra horyans er dha bynn.

Eksodus 23:33

Ny wrons triga y'th tir, ma na wrellons dhis pegha er ow fynn; rag mar servydh aga duwow, y fydh antell ragos sur.

Eksodus 32:4

Hag ev a dhegemmeras an owr a'ga diwla, ha'y weytha gans toul gravya, ha gwruthyl leugh teudh, hag i a leveris, ‘An re ma yw dha dhuwow, A Ysrael, a'th tros yn-mes a bow Ejyp.’

Eksodus 34:16

ha ty a gemmer a'ga myrghes dhe'th vebyon, ha'ga myrghes a wra horya war-lergh aga duwow ha gul dhe'th vebyon horya war-lergh aga duwow.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Ezekiel 7:20

Goeth a's tevo yn tekter aga thegennow ha gansa i a wrug aga imajys kasadow, aga thaklow kasadow; rakhenna my a's gwra mostedhes ragdha.

Hosea 2:2

Kuhudhewgh agas mamm, kuhudhewgh: rag nyns yw hi ow gwreg, ha nyns ov vy hy gour. Kemmeres hi hy dijastita mes a'y golok, ha'y avoutri dhiworth hy diwvronn,

Hosea 3:4

Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim.

Dewteronomi 12:5

Mes hwi a hwila an tyller a wra an Arloedh agas Duw y dhewis dhiworth oll agas loethow, dhe worra y hanow ena rag y drigva; ha ty a dheu di.

Dewteronomi 7:16

Ha ty a dhevor oll an poblow a wra an Arloedh dha Dhuw aga ri dhis. Ny wra dha lagas kemmeres pita anedha, ha ny wrewgh servya aga duwow, rakhenna dhe vos antell dhis.

Dewteronomi 7:25

Imajys gravys aga duwow a leskowgh dre dan. Na dhesir an arghans na'n owr usi warnedha na'y gemmeres ragos, rag own ty dhe vos maglennys ynno, rag ev dhe vos kasadow dhe'n Arloedh dha Dhuw.

Breusysi 17:5

An keth gour ma Mika a'n jevo y sentri y honan, hag ev a wrug efod ha terafim hag a sakras onan a'y vebyon, neb eth ha bos y oferyas.

Breusysi 18:14

Ena an pymp gour a via gyllys dhe aspia an tir (henn yw Laish) a leveris dh'aga breder, ‘A wodhowgh hwi bos yn chiow ma efod, terafim hag imaj? Lemmyn ytho ombrederewgh pandr'a wrewgh.’

Breusysi 18:17

An pymp gour a via gyllys dhe aspia an tir a entras hag a gemmeras an imaj, an efod ha'n terafim. Yth esa an oferyas ow sevel orth entrans an yet gans an hwegh kans gour o ervys gans arvow a vresel.

Breusysi 2:2

ha hwi nevra ny wrewgh kevambos gans trigoryon an tir ma; hwi a derr dhe'n dor aga alteryow.” Mes ny obaysowgh ow lev. Prag y hwrussowgh hemma?

Breusysi 2:3

Ytho my a lever dhywgh lemmyn, ny wrav aga chasya dhe-ves a-dheragowgh; mes i a ha bos kesstrivoryon dhywgh, ha'ga duwow a vydh antell dhywgh.’

Breusysi 6:11

Lemmyn el an Arloedh a dheuth hag esedha yn-dann an derebinthenn yn Ofra, o dhe Yoash, an Abiezryas. Pan esa y vab Gideon ow trushya gwaneth y'n winwask, rag y gudha a'n Midyanysi,

Breusysi 6:24

Ytho Gideon a dhrehevis alter dhe'n Arloedh ena, ha'y henwel, An Arloedh yw kres. Bys y'n jydh hedhyw y sev yn Ofra an Abiezrysi.

Breusysi 8:26

Poester an bysowyer skovarn a bysis ev o mil seyth kans a shekalim a owr (heb rekna an grommanow ha'n tegennow ha'n dillas purpur may feu myghternedh Midyan gwiskys ynna, ha'n mongarennow esa war gonnaow aga howrvergh.)

Breusysi 8:28

Ytho Midyan a veu fethys a-rag mebyon Ysrael, ha ny dhrehevsons aga fenn na fella. Ytho an tir a'n jevo kres dew-ugens blydhen yn dydhyow Gideon.