Breusysi 8:26 - An Bibel Kernewek 20234 (Kernewek Kemmyn)

²⁶ Poester an bysowyer skovarn a bysis ev o mil seyth kans a shekalim a owr (heb rekna an grommanow ha'n tegennow ha'n dillas purpur may feu myghternedh Midyan gwiskys ynna, ha'n mongarennow esa war gonnaow aga howrvergh.)

Breusysi 8:26 ပူးပေါင်းရင်းမြစ်များ

Ester 8:15

Ena Mordekay eth yn-mes dhiworth golok an myghtern, yn gwisk ryel, glas ha gwynn y liw, ha dhodho kurun vras a owr ha goen a lien fin ha purpur: ha'n sita Shushan a arma hag a lowenhi.

Lavarow Koth 31:22

Hi a wra rygdhi hy honan kolghesow, hy dillas yw sendal ha purpur.

Ysay 3:18

Y'n jydh na an Arloedh a wra remova tekter modrewi aga dewufern, an penngwiskow ha'n tergh-kromman;

Yeremia 10:9

Arghans mortholys yw dres a-dhiworth Tarshish, hag owr a-dhiworth Ufaz, gweyth an ser, hag a dhiwleuv an teudher; glas ha purpur yw aga gwisk: gweyth an seri sleygh yns.

Ezekiel 27:7

Sendal brosys dhiworth Ejyp o dha woel, avel baner ragos; ha'th kudhansow o glas ha purpur dhiworth arvoryow Elisha.

Luk 16:19

‘Yth esa den rych, neb a omwiska yn purpur ha sendal, ow kevewya yn splann pub dydh oll.

Yowann 19:2

Ha'n soudoryon a blethas kurun a spern ha'y gorra war y benn, hag i a'n kwethas gans mantell a burpur,

Yowann 19:5

Ytho Yesu a dheuth yn-mes, ow kwiska an gurun a spern ha'n vantell a burpur, hag yn-medh ev dhedha, ‘Awott an den!’

Diskwedhyans 17:4

Ha'n venyn o gwiskys yn purpur ha pann kogh, ha kudhys gans owr ha men drudh ha perlys, gans hanaf owrek yn hy dorn, leun a'n taklow kasadow hag avlan a'y fornikasyon.

Diskwedhyans 18:12

gwara a owr, hag arghans, ha men meur y bris, ha perlys, ha sendal, ha purpur, hag owrlin, ha pann kogh, ha prenn kitron a bub eghenn, ha pub lester a dhans olifans, ha pub lester a brenn meur y bris, ha brons, ha horn, ha marbel,

Diskwedhyans 18:16

ow leverel, ‘Tru, tru, an sita vras, gwiskys yn sendal, ha purpur ha pann kogh, ha kudhys gans owr ha men meur y bris, ha perlys!

Breusysi 8:21

Ena Zebagh ha Salmunna a leveris, ‘Ty, deus ha ladh ni dha honan, rag par dell yw an gour, yndella yw y nerth.’ Ytho Gideon a sevis ha ladha Zebagh ha Salmunna; hag ev a gemmeras an grommanow esa war gonnaow aga howrvergh.

Breusysi 8:25

‘Ni a's re a'gan bodh’ i a worthybis. Ytho i a lesas dillasenn, ha peub a dewlis ynni bysow skovarn re gavas avel preydh.

Breusysi 8:27

Gideon a wrug efod anodho hag a'n gorras yn y dre, yn Ofra; hag oll Ysrael a farya avel horys ena, hag ev o gyllys antell dhe Gideon ha dh'y deylu.