Breusysi 8:20 - An Bibel Kernewek 20234 (Kernewek Kemmyn)

²⁰ Ytho y leveris dhe Yether y gynsa-genys, ‘Sav, ladh i!’ Mes ny dennas an maw y gledha, drefenn ev dhe berthi own, rag hwath yth o maw.

Breusysi 8:20 ပူးပေါင်းရင်းမြစ်များ

Salmow 149:9

dhe gollenwel breus warnedha dell yw skrifys. An enor ma yw gober oll y syns. Gormelewgh an Arloedh.

Yoshua 10:24

Pan dhrosons yn-mes an vyghternedh ma dhe Yoshua, Yoshua a elwis oll gwer Ysrael ha leverel dhe gaslewydhyon an soudoryon eth ganso, ‘Dewgh nes, gorrewgh agas treys war gonnaow an vyghternedh ma.’ I a dheuth nes ha gorra aga threys war aga honnaow.

Breusysi 8:19

Hag ev a worthybis, ‘Ow breder yth ens, mebyon ow mamm; dell vew an Arloedh, mara's gwitthewgh yn few, ny'gas ladhsen.’

Breusysi 8:21

Ena Zebagh ha Salmunna a leveris, ‘Ty, deus ha ladh ni dha honan, rag par dell yw an gour, yndella yw y nerth.’ Ytho Gideon a sevis ha ladha Zebagh ha Salmunna; hag ev a gemmeras an grommanow esa war gonnaow aga howrvergh.

1 Samuel 15:33

Mes Samuel a leveris, ‘Kepar dell wrug dha gledha benynes dhe vos anvap, yndella y fydh dha vamm anvap yn mysk benynes.’ Ha Samuel a hakkyas Agag dhe demmyn a-dherag an Arloedh yn Gilgal.