Breusysi 7:22 - An Bibel Kernewek 20234 (Kernewek Kemmyn)

²² Pan hwythsons an tri hans hirgorn, an Arloedh a settyas kledha pub den erbynn y vata hag erbynn oll an kamp; ha'n lu a fias maga pell avel Beth-shitta war-tu ha Serera, maga pell avel or Abel-mehola ryb Tabbath.

Breusysi 7:22 ပူးပေါင်းရင်းမြစ်များ

1 Myghternedh 19:16

hag ynwedh untya Yehu mab Nimshi avel myghtern war Ysrael, hag untya Elisha mab Shafat a Abel-mehola avel profoes yn dha le.

1 Myghternedh 4:12

Baana mab Ahilud yn Taanak ha Megiddo, oll Beth-shean ryb Sarethan yn-dann Yezreel, a Beth-shean dhe Abel-mehola, bys y'n tu arall dhe Yokmeam;

2 Kroniklys 20:23

Rag mebyon Ammon ha Moab a omsettyas erbynn trigoryon menydh Seir, dh'aga diswul yn tien; ha wosa diswul trigoryon Seir, i eth yn-rag ow tistrui an eyl y gila.

Salmow 83:9

Gwra dhedha i dell wrussys dhe Midyan, dhe Sisera ha dhe Yabin orth nans Kishon;

Ysay 19:2

My a sett Ejyp erbynn Ejyp; pubonan a vatal orth y vroder, ha pubonan orth y gentrevek, sita orth sita, ruvaneth orth ruvaneth.

Ysay 9:3

Ty re gressyas an genedhel, ty re veurhas an lowena; i a lowenha a-ragos kepar hag yn lowender an goeldheys, kepar dell yw tus fest heudhik pan rannons preydh.

Ysay 9:4

Rag ty re dorras yew y vegh, ha lorgh y dhiwskoedh, an welenn a wre y gonstryna, kepar hag yn dydh Midyan.

Ezekiel 38:21

My a elow ow kledha erbynn Gog yn oll ow menydhyow, yn-medh an Arloedh Duw; kledha pubonan a vydh erbynn y vroder.

Habakkuk 3:14

Gans y shaftys y honan ty a wanas pennow y gasoryon; i a dheuth avel korwyns dh'agan skattra; I a lowenhas kepar hag ow lenki an den truan yn-dann gel.

Haggay 2:22

My a dhomhwel an se a wlaskordhow, ha distrui galloes gwlaskordhow an kenedhlow, Disevel a wrav an charettow ha'ga lewyoryon, ha'n vergh ha'ga marghogyon a goedh, pubonan dre gledha y vroder.

Zekaria 14:13

Y'n jydh na y fydh meur dheray dhiworth an Arloedh yn aga mysk. An eyl a dhalghenn leuv y gila, ha den a dhrehav y leuv erbynn y gentrevek.

2 Korinthianys 4:7

Ha ni a'gan beus an tresor ma yn lestri a bri, rag may fo an nerth dres eghenn dhiworth Duw, a-der ni;

Yoshua 3:16

an dowrow esa ow tos yn-nans a-wartha a sevis stag; i a omdhrehevis yn graghell mar bell avel Adam, an sita usi ryb Sarethan; ha'n dowr esa ow mos troha Mor an Araba, Mor an Hoelan, a veu stoppys yn tien. Ytho an bobel a dreusis a-dal Yeriko.

Yoshua 6:16

An seythves gweyth, pan hwythas an oferysi an hirgern, Yoshua a leveris dhe'n lu, ‘Germewgh! rag an Arloedh re ros dhywgh an sita.

Yoshua 6:20

Ytho i a hwythas an hirgern. Kettell glewas an lu son an hirgern, i a armas gans garm vras, ha'n fos a goedhas yn hy le; ytho an lu eth yn-bann y'n sita, pub den ow mos yn tidro, hag i a gemmeras an sita.

Yoshua 6:4

gans seyth oferyas ow toen seyth hirgorn a gern hordhes a-dherag an argh. Ha'n seythves dydh hwi a geskerdh a-dro dhe'n sita seythgweyth, ha'n oferysi ow hwytha an hirgern.

1 Samuel 18:19

Mes pan dheuth an termyn dhe ri Merab myrgh Sowl dhe Davydh, hi a veu res dhe Adriel an Meholathyas avel gwreg.