Breusysi 7:15 - An Bibel Kernewek 20234 (Kernewek Kemmyn)

¹⁵ Pan glewas Gideon derivas an hunros ha'y styr, ev a wordhyas. Ev a dhehwelis dhe gamp Ysrael, hag a leveris, ‘Sevewgh yn-bann; rag an Arloedh re ros kamp Midyan yn agas leuv.’

Breusysi 7:15 ပူးပေါင်းရင်းမြစ်များ

Jenesis 24:48

Ena my a omblegyas ha gordhya an Arloedh ha benniga an Arloedh, Duw ow arloedh Abraham, neb a'm hembronkas war an fordh wir dhe gemmeres myrgh broder ow arloedh rag y vab.

Jenesis 40:8

Yn-medhons dhodho. ‘Ni re hunrosas hunros, ha nyns eus denvyth dh'y styrya.’ Yn-medh Yosep dhedha, ‘A nyns eus styryansow dhe Dhuw? Derivewgh e dhymm, my a'gas pys.’

Jenesis 41:11

Ni a hunrosas hunros yn unn nos, my hag ev, pub hunros gans y styryans y honan.

Breusysi 3:28

Ev a leveris dhedha, ‘Holyewgh vy; rag an Arloedh re ros dhywgh agas eskerens an Moabysi yn agas leuv.’ Ytho i eth war-nans war y lergh, hag a synsis rysyow an Yordan erbynn an Moabysi ha lettya na dremenna denvyth dresti.

Breusysi 4:14

Ena Debora a leveris dhe Barak, ‘Yn-bann! Rag hemm yw an jydh may ros an Arloedh Sisera y'th leuv. Yn tevri yma an Arloedh ow mos yn-mes a-ragos.’ Ytho Barak eth yn-nans a venydh Tabor gans deg mil wour orth y holya.

Breusysi 7:11

ha ty a glew an pyth a leverons, hag a-wosa dha dhiwleuv a vydh krevhes rag omsettya erbynn an kamp.’ Ytho ev eth yn-nans gans y was Pura dhe amal aray an wer ervys esa y'n kamp.

Breusysi 7:14

Ha'y vata a worthybis, ‘Nyns yw henna marnas kledha Gideon mab Yoash, gour a Ysrael; Duw re ros Midyan hag oll an lu yn y leuv.’

Breusysi 7:16

A-wosa ev a rannas an tri hans gour yntra tri fara, hag a worras hirgern yn aga diwdhorn oll, ha sethow gwag, gans faglennow a-berth y'n sethow.

Breusysi 8:7

Gideon a worthybis, ‘Ytho pan rollo an Arloedh Zebagh ha Salmunna yn ow leuv, my a dhrush agas kig gans spern an gwylvos ha war spedhas.’

1 Samuel 1:28

Rakhenna my re'n prestas dhe'n Arloedh, hedre vewo, ev a vydh prestys dhe'n Arloedh.’ Hag i a wordhyas an Arloedh ena.

1 Samuel 14:12

Ha gwer an savla-goelyadoryon a elwis dhe Yonathan ha deger y arvow, ow leverel, ‘Dewgh yn-bann dhyn, ha ni a dhiskwedh neppyth dhywgh.’ Yonathan a leveris dhe dheger y arvow, ‘Deus yn-bann war ow lergh; rag an Arloedh re's delivras yn leuv Ysrael.’