Breusysi 7:13 - An Bibel Kernewek 20234 (Kernewek Kemmyn)

¹³ Pan dheuth Gideon, yth esa gour ow terivas hunros dhe vata; hag ev a leveris, ‘My a hunrosas hunros, hag otta, tesenn a vara heydh a goedhas yn kamp Midyan, hag a dheuth dhe'n tylda, hag a'n gwaskas bys may koedhas; ev a'n treylyas penn a-wartha dhe woeles ha'n tylda a goedhas.’

Breusysi 7:13 ပူးပေါင်းရင်းမြစ်များ

1 Korinthianys 1:27

mes Duw a dhewisas an traow yw foll y'n bys rag tyli moethow war an dus skentel; Duw a dhewisas an traow yw gwann y'n bys rag gul bismer dhe'n re grev;

Breusysi 3:15

Mes pan grias mebyon Ysrael dhe'n Arloedh, an ARLOEDH a dhrehevis ragdha delivrer, Ehud mab Gera, Benyaminyas, gour kledhek. Mebyon Ysrael a dhannvonas trubyt dhodho der Eglon myghtern Moab.

Breusysi 3:31

War y lergh y teuth Shamgar mab Anath neb a ladhas hwegh kans gour a'n Filistysi gans garthow. Ev ynwedh a dhelivras Ysrael.

Breusysi 4:21

Mes Yael gwreg Heber a gemmeras ebil tylda hag a gemmeras morthol yn hy dorn hag eth yn tawel dhodho, hag ev a'y wrowedh fest yn kosk gans skwithter; ha hi a weskis an ebil yn er y benn, bys pan eth y'n dor, hag ev a verwis.

Breusysi 4:9

Ha hi a leveris, ‘Yth av genes yn surredi; byttegyns ny led an fordh mayth edh warnedhi dhe'th glori, rag an Arloedh a werth Sisera yn leuv benyn.’ Ena Debora a sevis yn-bann hag eth gans Barak dhe Kedesh.

Breusysi 6:15

Ev a worthybis, ‘Ow Arloedh, fatell allav delivra Ysrael? Ow hordh yw an gwanna yn Manasse, ha my yw an lyha yn ow theylu.’

Breusysi 7:12

An Midyanysi ha'n Amalekysi hag oll mebyon an est a wrowedha y'n nans avel hes a lokustes; ha'ga howrvergh o diniver, avel tewes an morrep.

Breusysi 7:14

Ha'y vata a worthybis, ‘Nyns yw henna marnas kledha Gideon mab Yoash, gour a Ysrael; Duw re ros Midyan hag oll an lu yn y leuv.’

Breusysi 8:10

Yth esa Zebagh ha Salmunna yn Karkor gans aga lu, a-dro dhe bymthek mil wour, oll remenant lu mebyon an est, rag hwegh ugens mil gledhevor re goedhsa.