Breusysi 6:5 - An Bibel Kernewek 20234 (Kernewek Kemmyn)

⁵ Rag i ha'ga chatel a dho yn-bann, hag i a dhri aga thyldow, kemmys ha lokustes; nyns ens i dhe nivera, naneyl i aga honan na'ga howrvergh; i a entras an tir dh'y wastya.

Breusysi 6:5 ပူးပေါင်းရင်းမြစ်များ

An Gan a Ganow 1:5

Du ov vy, ha teg, A vyrghes Yerusalem, kepar ha tyldow Kedar, kepar ha kroglennow Solomon.

Ysay 13:20

Ny vydh annedhys nevra, ha ny drig denvyth ynni a henedh dhe henedh; ny sett Arabyon aga thyldow ena, ha ny wra bugeledh greow dhe bowes ena.

Ysay 60:6

Bush bras a gowrvergh a'th kudh, kowrvergh yowynk dhiworth Midyan hag Efa; i oll a dheu dhiworth Sheba; owr ha frankynkys a dhegons, ha disklerya gormola an Arloedh.

Yeremia 46:23

I a derr hy hoeswik, yn-medh an Arloedh, kynth yw re dew dhe hwithra, drefenn aga bos moy niverus ages an lokustes, heb nivera yns i.

Yeremia 49:29

I a gemmer aga thyldow ha'ga flokkys, aga kroglennow hag oll aga gwara; i a gemmer aga hawrvergh dh'aga honan, hag i a gri dhedha: ‘Yma euth a bub tu!’

Yeremia 49:32

Aga hawrvergh a vydh preydh, aga greow a warthek pyllans. My a skatter dhe bub gwyns an re a's teves talyow moel, ha my a dhre terroes er aga fynn a bub tu, yn-medh an Arloedh.

Yeremia 51:14

Arloedh an luyow re dos re y honan: Yn sur my a'th lenow gans luyow avel hes lokustes, hag i a sev garm budhogoleth warnas.

Dewteronomi 28:33

Pobel na aswonnsys a dheber frut dha dir hag oll askorr dha lavur, ha ny vydhydh saw arweskys ha tebeldhyghtys oll dha dhydhyow.

Breusysi 7:12

An Midyanysi ha'n Amalekysi hag oll mebyon an est a wrowedha y'n nans avel hes a lokustes; ha'ga howrvergh o diniver, avel tewes an morrep.

Breusysi 8:10

Yth esa Zebagh ha Salmunna yn Karkor gans aga lu, a-dro dhe bymthek mil wour, oll remenant lu mebyon an est, rag hwegh ugens mil gledhevor re goedhsa.

Breusysi 8:21

Ena Zebagh ha Salmunna a leveris, ‘Ty, deus ha ladh ni dha honan, rag par dell yw an gour, yndella yw y nerth.’ Ytho Gideon a sevis ha ladha Zebagh ha Salmunna; hag ev a gemmeras an grommanow esa war gonnaow aga howrvergh.

1 Samuel 30:17

Davydh a's gweskis dhiworth an bora bys gorthugher an nessa dydh. Ny dhienkas nagonan anedha, saw peswar kans gour yowynk, neb a varghogas war gowrvergh ha fia.